BDU doktorantların hazırlanmasına əcnəbiləri cəlb edir

BDU “dünya elminə inteqrasiya, innovasiya istiqamətlərinin genişləndirilməsi və keyfiyyətin artırılması” məqsədilə elmi kadrların hazırlanması sahəsində islahatlar hazırlayır”, bu barədə Bakı Dövlət Universitetinin press-relizində deyilir.

Xüsusən, doktorantların iki elmi rəhbərindən biri əcnəbi alim olmalıdır, deyə BDU rektoru Abel Məhərrəmov gənc alimlər və mütəxəssislərlə görüşdə bildirib.

Kafedra müdirlərinə gənc mütəxəssislərə bu məsələdə kömək etmək tapşırılıb. “Təcrübə mübadiləsi və elmi-araşdırma işi ilə əlaqədar ehtiyac olarsa doktorantlar universitetin hesabına xarici ölkələrə ezam ediləcəklər”, deyə rektor bildirib.

BDU həmçinin doktorantların əcnəbi rəhbərlərinin Azərbaycana dəvət edilməsini, elmi müzakirələrdə və dissertasiya müdafiələrində iştirakını təmin edəcək, deyə Məhərrəmov əlavə edib.

BDU qabaqcıl elmi və təhsil müəssisələri ilə əməkdaşlıq edir, hər il ümumi məbləği 5-7 mln. ABŞ dolları təşkil edən beynəlxalq proqramlarda iştirak edir. Bununla əlaqədar olaraq rektor doktorantları bu proqramların imkanlarından istifadə etməyə çağırıb. -03D-