Salyan rayonunda Birləşmiş Ərəb Əmirliklərinin (BƏƏ) vətəndaşları Butti Ghamin Əli Əhməd Almansori, Mühəmməd Eisa Mühəmməd Hamdan Almansori və Salem Sultan Salem Kltham Alkedən saxlanılıb. Ərəblər üçün ov təşkil edən Hacıqabul rayonu Qarasu kənd sakini Vurğun Məlikov da onlarla birlikdə olub.
Onlardan 1 ov tüfəngi və 16 ədəd patron götürülüb. Saxlanılan şəxslərin hər biri 2000 manat cərimə edilib. Bu barədə Ekologiya və Təbii Sərvətlər Nazirliyinin məlumatında deyilir.
Turan agentliyinin verdiyi xəbəbrə görə, oxşar hadisə fevral ayında İmişli rayonunda baş vermişdi. Belə ki, Səudiyyə Ərəbistanı və Qətər vətəndaşları tərlan ovu ilə məşğul olurmuş. Onların avtomobilinin çaya düşməsi nəticəsində dörd sərnişindən ikisi həlak olub.
Ekologiya və Təbii Sərvətlər Nazirliyinin səylərinə baxmayaraq, xarici vətəndaşlar tez-tez və maneəsiz olaraq ölkəyə gələrək qanunsuz ov ilə məşğul olur.
Bu cür ovların təşkilinin arxasında oliqarxlara və ya bir sıra nazirlərin özlərinə məxsus özəl firmalar durur. Onlar yüksək haqqın müqabilində əcnəbilərin istədikləri yerdə və istədikləri qədər ovlamasına icazə verirlər.
Son illər Dubay hökmdarı şeyx Mühəmməd və onun ailə üzvləri müntəzəm olaraq Azərbaycana tərlan ovuna gəlir. -02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz