![Bərdə Rayon Əhalinin Sosial Müdafiəsi Mərkəzində 260 min manatlıq mənimsəmə faktları aşkarlanıb](https://turan.az/resized/750/500/resize/media/2014/main/071600084280.jpg)
Bərdə Rayon Əhalinin Sosial Müdafiəsi Mərkəzində 260 min manatlıq mənimsəmə faktları aşkarlanıb
Baş prokuror yanında Korrupsiyaya qarşı Mübarizə Baş İdarəsi Bərdə Rayon Əhalinin Sosial Müdafiəsi Mərkəzində qanun pozuntuları ilə bağlı Hesablama Palatasından daxil olan materialları araşdırıb.
Baş Prokurorluğun mətbuat xidmətindən Turan-a daxil olan məlumatda deyilir ki, araşdırmalar zamanı mərkəzin vəzifəli şəxsləri tərəfindən ünvanlı sosial yardımların, sosial müavinətlərin və təqaüdlərin təyin edilməsi və ödənilməsi zamanı zəruri sənədlərin - ailə tərkibi, gəlirlər və s. məlumatların düzgünlüyünün yoxlanılmaması nəticəsində 258 min 550 manat məbləğində dövlət vəsaitinin israf edilməsi ilə bağlı şübhələr var.
Fakt üzrə Cinayət Məcəlləsinin 179.3.2 (külli miqdarda mənimsəmə və ya israf etmə) maddəsi ilə cinayət işi başlanıb.
Hazırda iş üzrə istintaq tədbirləri davam etdirilir. -16d-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz