![Bəxtiyar Hacıyev istintaqa çağırılıb](https://turan.az/resized/media/2014/main/041400075460-750-500-resize.webp)
Bəxtiyar Hacıyev istintaqa çağırılıb
Gənc fəal və bloger Bəxtiyar Hacıyev bu gün Türkiyə vətəndaşı Nureddin Eresin şikayəti ilə açılmış cinayət işi ilə əlaqədar Nərimanov rayon polis idarəsinə çağırılıb. Bu barədə Turan-a Hacıyev özü bildirib.
Onun sözlərinə görə, Eres aldatmaq yolu ilə bir çox Azərbaycan vətəndaşlarının pullarını mənimsəyib. Eyni zamanda, o, Hacıyevdən şikayət edərək, onu pul tələb etməkdə ittiham edib.
Əslində Eres bu ilin yanvar ayında Bakıda Türkiyənin “Fenerbahçe” klubunun futbol məktəbini açmaq üçün pul axtarmaqda kömək etmək xahişi ilə Hacıyevə müraciət edib.
“Mən ona bankdan kredit almağı təklif etdim. Amma o, islam əqidəsinin faizlə pul almağa yol vermədiyini bildirib. Mənim xahişimlə bir tanışım Eresə pul verdi. İndi o, bunu inkar edir və pulu qaytarmır”, deyə Hacıyev bildirib.
Türk polisdə bildirib ki, Hacıyev guya onun pasportunu əlindən alıb.
“Mən polislərə onun pasportu olmadan bu ilin fevralında Türkiyəyə necə getdiyini və Azərbaycana necə qayıtdığını araşdırmağı məsləhət gördüm”, deyə Hacıyev bildirib.
Hacıyevin sözlərinə görə, Erese Azərbaycanda bir çox insanlara borcludur, istintaq isə işi ona qarşı çevirməyə çalışır.
Bu gün Hacıyev şahid qismində dindirilib və ondan ölkəni tərk etməmək haqqında iltizam alınmayıb.
* Bəxtiyar Hacıyev əvvəllər vətəndaş fəallığına görə cinayət təqibinə məruz qalıb. 2011-ci ilin mart ayında o, facebook-da vətəndaşları “Böyük xalq günü” etiraz aksiyasında iştiraka çağıran qrupa daxil olduqdan sonra həbs edilib. O, orduda xidmətdən yayınmaqda ittiham edilib və 2,5 il müddətinə mühakimə olunub.
14 ay sonra o, şərti azadlığa çıxıb. Amnesty İnternational onu “vicdan məhbusu” kimi tanıyıb. -06B-
-
- Siyasət
- 14 Aprel 2014 18:52
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz