Bəxtiyar Hacıyev xuliqanlıqda ittiham oluna bilər (YENİLƏNİB)

Çox güman ki, Bəxtiyar Hacıyevi İnzibati Xətalar Məcəlləsinin xırda xuliqanlıq maddəsi ilə inzibati qaydada günahlandıra bilərlər. Hazırda bu maddə ilə ona qarşı sənədlər hazırlanır. Bu barədə onun vəkili Adəm Məmmədov Turan-a bildirib.

O təsdiq edib ki, Bəxtiyar Hacıyev artıq 5 saatdan çoxdur polis bölməsindədir. “İndi polis işi məhkəməyə göndərəcək. Hər şey məhkəmədə məlum olacaq”, deyə o qeyd edib. -03B-

2016 Avqust 15 (Bazar ertəsi) 15:29:34

İctimai Siyasət İnstitutunun rəhbəri, Harvard Universitetinin məzunu, keçmiş vicdan məhbusu Bəxtiyar Hacıyev polislə mübahisə zəminində Yasamal rayon Polis İdarəsinin 27-ci polis bölməsinə apılıb. Bu barədə o, özü Turan-a bildirib.

“Avqustun 14-də yol polisinin əməkdaşı məni təhqir edib getmişdi. Bu gün piyada getdiyim zaman Dövlət Statistika Komisəsinin qarşısında həmin polis əməkdaşı ilə qarşılaşdım və məni təhqir etməsinin səbəbini soruşdum. Həmin polis əməkdaşı yenidən mənə hücum çəkdi, təhqir etdi, paltarımı cırdı. Bu zaman mən Daxili İşlər Nazirliyinin “102 Zəng Mərkəzi”nə zəng etdim. Polis əməkdaşı isə Post Patrul Xidməti çağırdı. Post Patrul Xidməti gəldi, məni 27-ci  Polis Bölməsinə gətirdi. Həmin polis əməkdaşı 27-ci Polis Bölməsində də mənə yumruq atdı, təhqir etdi. İndi polis bölməsindəyəm, sənədləri məhkəməyə  hazırlaylırlar”, deyə o qeyd edib.

O, işin hansı qismdə məhkməyə hazırlandığını bilmir. Hələ vəkili də yoxdur. -03B-