Bakı Apellyasiya Məhkəməsi jurnalist Xədicə İsmayılovanın müvəqqəti olaraq Azərbaycandan çıxmasına icazə verilməsindən imtina haqqında qərardan verdiyi şikayətə baxılıb.
Qadağa onun həbsi ilə əlaqədar tətbiq edilib. 2016-cı il mayın 25-də Azərbaycan Ali Məhkəməsi 3,5 illik real cəzanı şərti cəza ilə əvəz edib, avqustun 8-də bu müddət 2 il 3 aya endirilib.
İyunun 28-də İsmayılova beynəlxalq tədbirlərdə iştirak etmək və müailə üçün anasını müşaiyət etmək üçün müvəqqəti olaraq ölkədən çıxmasına icazə vermək xahişi ilə Binəqədi rayon məhkəməsinə müraciət edib. Amma məhkəmə bundan imtina edib. Bu gün Apellyasiya Məhkəməsi də şikayəti təmin etməyib.
Vəkil Fariz Namazlı Turan-a bildirib ki, Apellyasiya Məhkəməsinin qərarından Ali Məhkəməyə və daha sonra Avropa İnsan Hüquqları Məhkəməsinə şikayət veriləcək. -06D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz