NİDA fəalı 4 ay müddətinə həbs edilib

NİDA hərəkatının fəalı Elgiz Qəhrəmanov qanunsuz narkotik dövriyyəsi ittihamı ilə həbs edilib. Nərimanov rayon məhkəməsi hələ avqustun 12-də onun barəsində 4 ay həbs qətimkan tədbiri seçib.

Ona qarşı 12 ilədək azadlıqdan məhrumetmə cəzası nəzərdə tutan 234.4.3-cü (böyük ölçüdə narkotik maddələrin qanunsuz dövriyyəsi) maddə ilə ittiham irəli sürülüb.

****

NİDA hərəkatının fəalı Elgiz Qəhrəmanov cümə günü günorta saatlarında DİN-in Mütəşəkkil Cinayətkarlığa qarşı Mübarizə Baş İdarəsinin (MCMBİ) əməkdaşları tərəfindən saxlanılıb. İndiyədək onun saxlanılmasının səbəbləri məlum deyil, bu barədə Turan-a hərəkatdan bildiriblər.

Hazırda yoldaşları vəkil axtarırlar.

Maraqlıdır ki, bu gün artıq hökumətyönlü haqqin.az saytı Azərbaycan prokurorluğu tərəfindən Fetullah Gülen tərəfdarlarına qarşı cinayət işi başladığını iddia edən məqalə dərc edib. Bu zaman Elgiz Qəhrəmanov fəal gülençilərdən biri kimi, AXCP lideri Əli Kərimli isə Gülenin yaxın “nümayəndəsi” kimi qələmə verilir.

Amma NİDA hərəkatında bu iddiaları cəfəngiyyat adlandırırlar. Qəhrəmanov Türkiyədə oxuyub və iki il əvvəl qayıdıb, amma Türkiyənin dini dairələrinə rəğbəti yox idi.

Son zamanlar gənc repetitorluq edirdi və gülençilərlə yaxınlığı olan hər-hansı qurumda işləmirdi. -06D-