Rüfət Muradlı

Rüfət Muradlı

Beynəlxalq Jurnalistləri Müdafiə Komitəsi - CPJ  Azərbaycan hakimiyyətini jurnalist Rüfət Muradlını azad etməyə və müstəqil mətbuata qarşı repressiyalara son qoymağa çağırıb.

Dekabrın 2-də Kanal-13 İnternet televiziyasının aparıcısı Rüfət Muradlı xırda xuliqanlıq və polisə tabe olmamaq ittihamı ilə inzibati qaydada 30 sutka həbs edilib.

Muradlı ittihamları rədd edir, Kanal-13-ün baş redaktoru Anar Orucov Komitəyə bildirib. Jurnalistə qarşı ittihamlar "tamamilə əsassızdır" və Azərbaycan hakimiyyətinin digər müstəqil KİV-lərə qarşı davam edən repressiyalarının bir hissəsidir, Orucov deyib.

Muradlının həbsi hakimiyyətin Kanal-13-ün direktoru Əziz Orucovun (Anar Orucovun qardaşı) qanunsuz tikinti ittihamı ilə üç ay müddətinə ilkin həbsə alınması barədə qərarından dörd gün sonra baş verib. Vəkilin sözlərinə görə, bu, onun jurnalist fəaliyyətinə görə cəzalandırılmasıdır, Komitə qeyd edir.

Noyabrın 20-dən “Abzas Media” antikorrupsiya araşdırma nəşrinin dörd əməkdaşı maliyyə cinayətləri ittihamı ilə saxlanılıb, Komitənin bəyanatında deyilir.

"İki həftədən az müddətdə həbs olunan altıncı azərbaycanlı jurnalist Rüfət Muradlı, görünür, öz həmkarlarına qarşı irəli sürülən ittihamlar kimi uydurma və yalan ittihamlarla mühakimə olunub", - Komitənin proqram direktoru Carlos Martines de la Serna Nyu-Yorkda bildirib

"Azərbaycan hakimiyyəti Muradlını və haqsız yerə həbsdə olan digər jurnalistləri dərhal azad etməli və müstəqil jurnalistlərin təqibinə son qoymalıdır".

Muradlı eyni zamanda, qeydiyyata alınmamış Azərbaycan Demokratiya və Rifah Partiyasının sədr müavinidir. Partiya sədri Qubad İbadoğlu iyul ayından siyasi motivli kimi geniş tənqid olunan ittihamlarla həbsdədir.

Lakin Anar Orucovun sözlərinə görə, Muradlının jurnalistlərin, o cümlədən Kanal-13 direktorunun həbsi fonunda tutulması onun media fəaliyyətilə əlaqədar olduğunu güman etməyə əsas verir. Anar Orucov deyib ki, Muradlı azərbaycandilli YouTube kanalında Kanal-13 siyasi şousunun aparıcısı kimi tanınır. 400000-dən çox abunəçisi var.

Bundan əlavə, bazar ertəsi Azərbaycanın Lənkəran şəhərində  reportyor-frilanserlər Şəhla Kərim və Aytac Məmmədli küçə sorğuları apararkən polis tərəfindən saxlanılıblar.

Polis Məmmədlinin mobil telefonundan videoyazını silib və Kərimin kamerasının yaddaş kartından qeydi silməyə çalışıb, lakin o, Daxili İşlər Nazirliyinin mətbuat xidmətinə zəng etdikdən sonra polis bunu etməyərək yaddaş kartını geri qaytarıb. Polis hər iki jurnalisti təxminən bir saat yarım sonra sərbəst buraxıb.

Beynəlxalq Jurnalistləri Müdafiə Komitəsi vəziyyəti şərh etmək üçün Daxili İşlər Nazirliyinə və Ədliyyə Nazirliyinə elektron-məktub göndərib, lakin heç bir cavab almayıb, Komitənin bəyanatında deyilir.- 06B-

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti