Beynəlxalq təşkilatların vicdan məhbuslarına diqqəti artır

Bakıda səfərdə olan İnsan Hüquqları Evi Fondunun icraçı direktoru Maria Dahle və Ane Tusik Bonde “Kür” Vətəndaş Qərargahının koordinatoru Oktay Gülalıyevlə görüşblər. Bu haqda Turana O.Gülalıyev özü bildirib.

Beynəlxalq qurumun təmsilçiləri O.Gülalıyevin səhhəti, fəaliyyəti, həbsi zamanı üzləşdiyi fiziki zorakılıq və işgəncə faktları ilə maraqlanıblar. Habelə, “Kür” Vətəndaş Cəmiyyəti Qərargahının fəaliyyəti müzakirə dairəsində olub. 

     O.Gülalıyev hüquqlarının müdafiəsində əməyinə görə Fonda təşəkkür edib. Həbsi zamanı üzləşdiyi qanunsuzluqlar barədə qonaqlara açıqlama verib. 

     Görüşün daha bir mühüm hissəsi qanunsuz  olaraq həbsdə saxlanılan “Kür” Vətəndaş Cəmiyyəti Qərargahının fəalı İlham Əmiraslanov, digər vicdan məhbusları Vidadi İsgəndərli, Şahin Həsənlı, Taleh Xasməmmədov, Əvəz Zeynallı və s. bağlı olub. O.Gülalıyev Fond nümayəndələrinə Azərbayvanda vicdan məhuslarına diqqət artırmağı xahiş edib. Görüşdə İnsan Hüquqları Evi Fondu ilə “Kür” Vətəndaş Cəmiyyəti Qərargahı arasında əməkdaşlıq davam etdirilMƏSİ məqbul sayılıb. 

     Xatırladaq ki, İnsan Hüquqları Evi Şəbəkəsi 15 ölkənin 90 nüfuzlu QHT- ləri tərəfindən təsis edilib.-05B-