![Quba rayon icra başçısının çıxşını yayan və çıxışa şərh yazan həbs edilib](https://turan.az/resized/media/2012/main/070700004878-750-500-resize.webp)
Quba rayon icra başçısının çıxşını yayan və çıxışa şərh yazan həbs edilib
Quba rayon icra hakimiyyəti başçısı Rauf Həbibovun çıxışının videosunu sosial şəbəkələrdə yayan və həmin çıxışa “gözə-göz, dişə-diş” (dini məzmunu ziyana-ziyan deməkdir) şərhini yazan şəxs həbs edilib. Lakin, istintaq orqanı indiyədək həmin şəxslərlə bağlı müdafiə tərəfinə məlumat verməyib, Bu barədə vəkil Elçin Sadıqov Turana bildirib.
Vəkilin fikrincə, bu şəxslərin həbsi “Xəyal” televiziyasının icraçı direktoru Vüqar Qonaqovun və baş redaktor Zaur Quliyevin həbsdən azad edilmə ehtimalını çoxalda bilər. “Çünki jurnalistlər Rauf Həbibovun çıxışını yaymaqda, kütləvi iğtişaşları təşkil etməkdə günahlandırılır. İndi görünür ki, jurnalistlər videonu yaymayıb və qızışdırıcı hərəkətlərə yol verməyib”, - deyə o qeyd edib.
E.Sadıqovun sözlərinə görə, martın sonlarından indiyədək jurnalistlərlə bağlı hər hansı istintaq hərəkəri aparılmayıb. “Onlar sadəcə istintaq təcridxanasında saxlanılır”, - deyə vəkil bildirib.
Martın 1-də Quba rayonunda (Bakıdan 170 kilometr şimalda) baş verib. Qubada etiraza icra hakimiyyəti başçısının yerli əhalini təhqir edən çıxışının youtube.com saytına yerləşdirilməsi səbəb olub. Ümumi kontekstdə sosial vəziyyətlərindən, məmur davranışından narazı insanlar etiraz aksiyası keçirib. Dinc aksiya sonradan zorakı xarakter alıb. Əhali icra başçısının evini, yardımçı tikililərini yandırıb. Sonra daxili qoşun hissələri ilə qarşıdurma olub. Etirazçılar polis qüvvələrinə daş, asfalt parçaları və kəsəklərlə hücum çəkib. Polis isə gözyaşardıcı qazdan istifadə edib. Deputat Vahid Əhmədovun vasitəçiliyi etirazları səngidib və icra başçısının vəzifədən azad edilməsi insanların evlərinə dağılmasına səbəb olub.
Fakt üzrə Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və yə bu cür hərəkətlərdə fəal iştirak etmə) və 186-cı (əmlakı qəsdən məhv etmə və ya zədələmə) maddələri ilə cinayət işi başlanılıb və Baş Prokurorluğun Ağır cinayətlərə dair işlər üzrə istintaq idarəsinin icraatına verilib. Həyata keçirilən tədbirlərlə cinayətdə iştirak etmiş 25 şəxs müəyyən olunaraq istintaqa cəlb edilib. İndiyədək ondan çox adam həbs olunub. Həbs olunanlar arasında Xəyal televiziyasının icraçı direktoru Vüqar Qonaqov və baş redaktoru Zaur Quliyev də var. -03B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz