Beynəlxalq və ölkə miqyaslı tədbirlərlə bağlı qaydalar təsdiqlənib

Dövlət başçısı İlham Əliyev “Dövlət büdcəsindən maliyyələşən təşkilatlar tərəfindən beynəlxalq və ölkə səviyyəli tədbirlərin keçirilməsi ilə bağlı öhdəliklərin götürülməsi qaydaları”nı təsdiqləyən fərman imzalayıb.

Bu fərmanla əlaqədar Nazirlər Kabinetinə dövlət büdcəsindən maliyyələşən qurumların beynəlxalq və ölkə səviyyəli tədbirlər keçirməsi, xarici ölkə nümayəndə heyətlərinin, rəsmi şəxslərin qəbulu, onlara xidmətlə bağlı büdcə vəsaitlərinin yeni xərc normalarının 1 ay müddətində müəyyən edilməsi tapşırılır. Bundan əlavə, prezident aktlarının bu fərmana uyğunlaşdırılması üçün 3 ay müddətində təkliflərin verilməsi və təmin etməsi həvalə edilir.  

Mərkəzi icra oqranlarına isə hüquqi normativ aktların fərmanla uyğunlaşdırılması üçün 5 ay vaxt müəyyən edilir. Bu müddətdə hüquqi normativ aktların fərmana uyğunlaşdırması və Nazirlər Kabinetini məlumatlandırması Ədliyyə Nazirliyinə tapşırılır.

Son olaraq fərmanda mərkəzi icra qurumlarına fərmanın 1-ci hissəsinə ciddi riayət etmələri, müvafiq razılaşdırma olmadan beynəlxalq və ölkə səviyyəli tədbirlərin keçirilməsi ilə bağlı hər hansı öhdəlik götürülməsinə yol verməmək tapşırılır.-05D-