Prezident İlham Əliyevin aprelin 30-da imzaladığı üç sərəncama əsasən, 1941-1945-ci illər Böyük Vətən müharibəsi iştirakçılarının prezident təqaüdü artırılıb, müharibə iştirakçıları və onlara bərabər tutulan şəxslər avtomobillə təmin ediləcək, onlara birdəfəlik maddi yardım ediləcək.
9 Mayda faşizm üzrə qələbənin 69-cu ildönümüdür. Sərəncama əsasən, mayın 1-dən Böyük Vətən müharibəsi iştirakçılarına, Leninqrad şəhərinin mühasirəsi zamanı şəhərin müəssisələrində, idarə və təşkilatlarında işləmiş və “Leninqradın müdafiəsinə görə” medalı, “Leninqrad mühasirəsində yaşayan” döş nişanı ilə təltif edilmiş şəxslərə prezidentinin təqaüdünün aylıq məbləği 45 manat artırılaraq 100 manat olacaq.
Müharibə iştirakçılarına 700 manat birdəfəlik yardım ediləcək. Bu, ötən ilkindən 200 manat çoxdur. Böyük Vətən müharibəsində həlak olmuş və ya sonralar vəfat etmiş döyüşçülərin dul arvadlarına, həmin dövrdə arxa cəbhədə fədakar əməyinə görə orden və medallarla təltif edilmiş şəxslərə, İkinci Dünya müharibəsi illərində döyüşən cəbhələrin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçilərinə, Böyük Vətən müharibəsi dövründə Leninqrad şəhərinin müdafiəsinə görə müvafiq medal və döş nişanı ilə təltif edilmiş şəxslərə, habelə Leninqrad şəhərinin mühasirəsinin iştirakçılarına 300,0 manat birdəfəlik maddi yardım ediləcək. Bu məqsədlə 2014-cü il dövlət büdcəsində nəzərdə tutulmuş prezidentinin ehtiyat fondundan 7,6 milyon manat ayrılıb.
Böyük Vətən müharibəsi əlillərinin və onlara bərabər tutulan, xüsusi nəqliyyat almaq üçün tibbi göstəriş əsasında 2014-cü ilədək növbəyə durmuş şəxslərin dövlət tərəfindən pulsuz verilən xüsusi avtonəqliyyatla tam təmin olunması üçün prezidentinin ehtiyat fondundan 3,5 mln manat ayrılıb. Ötən il analoji sərəncam Qarabağ müharibəsi əlillərinin avtomobil təminatı ilə bağlı verilmişdi.
1 yanvar 2014-cü il üçün Azərbaycanda 10 030 nəfər Böyük Vətən müharibəsi iştirakçısı olub. Onların 1 900 nəfəri ön cəbhədə vuruşub. O cümlədən 409 nəfər I qrup, 475 nəfər II qrup əlil var.
Arxa cəhbə iştirakçıları 8 130 nəfərdir. Bakıda 505 nəfər 1941-1945-ci il müharibəsi əlili var. Azərbaycanda 15 500 nəfər Böyük Vətən müharibəsi iştirakısının dul arvadı qalıb. 08D
İqtisadiyyat
-
Azərbaycanın Serbiyaya qaz tədarükünün müvəqqəti dayandırılması qarşısı alınacaq, Serbiya Prezidenti Aleksandar Vuçiç bazar günü açıqlayıb.
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
Rəy yaz