![Bəzi ali məktəblər tələbə qəbulundan imtina edib](https://turan.az/resized/750/500/resize/media/2015/main/051800116323.jpg)
Bəzi ali məktəblər tələbə qəbulundan imtina edib
Keçən ilki tədris ilinin faktiki qəbuluna nisbətən bu ilki tədris ili üçün bakalavriat səviyyəsinə qəbul 4,6% artırılaraq, 39 497 yer (onlardan 11 799 dövlət sifarişli) müəyyən edilib, bunun 11799-u dövlət sifarişinə aiddir.
Bu xəbər Turan-a Təhsil Nazirliyindən məlum olub.
Xəbərə görə, qiyabi təhsil forması üzrə plan yerləri 77% azaldılıb və onların hesabına əyani təhsil üzrə tələbə qəbulu artırılıb. Müəllimlik ixtisasları üzrə qiyabi təhsil formatında qəbul planlaşdırılmayıb.
İqtisadiyyat və idarəetmə, humanitar və sosial, səhiyyə, rifah və xidmət ixtisas qruplarına aid ixtisaslar üzrə dövlət sifarişli plan yerləri azaldılıb. Həmin yerlərin hesabına təhsil, texniki və texnoloji ixtisaslarına dövlət sifarişi yerləri artırılıb.
Keçən ilə nisbətən bu il özəl ali təhsil məktəblərinə tələbə qəbulu planı 6,1% artırılıb və 6549 yer nəzərdə tutulur. Bakı Asiya Universitetinin müraciəti nəzərə alınaraq, bu il qəbul planlaşdırılmayıb. Azərbaycan Müəllimlər İnstitutunun müraciətinə əsasən, Qazax və Zaqatala filialları da bu il qəbul aparmırlar.
Komissiya üzvləri Təhsil Nazirliyinin təklifini qəbul edərək, geologiya (300 bal), kompüter elmləri (300 bal), elektronika, telekommunikasiya və radiotexnika mühəndisliyi (250 bal), informasiya texnologiyaları və sistemləri mühəndisliyi (250 bal), inşaat mühəndisliyi (250 bal), nəqliyyat tikintisi mühəndisliyi (250 bal) ixtisasları üzrə müsabiqəyə ümumi balı yuxarıda qeyd olunan baldan aşağı olmayan abituriyentlərin buraxılması qərara alıb. Növbəti illərdə belə ixtisasların siyahısının daha da artacağı gözlənilir.
Ali təhsil məktəblərində bakalavr buraxılışı olmayan ixtisaslar üzrə magistratura yerləri ayrılmayıb. Bu il magistraturaya qəbul əvvəlki ilə nisbətən 167 yer artıb və 6492 yerdən 2522-si dövlət sifarişi üçün nəzərdə tutulub.
Orta ixtisas məktəblərinə qəbul planı 15061 yer müəyyən edilib. -05D-
-
- İqtisadiyyat
- 18 May 2015 15:47
-
- Siyasət
- 18 May 2015 18:04
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz