![Bibiheybətdə neftçilər işi bərpa etdilər, amma tələblərindən imtina etmədilər](https://turan.az/resized/750/500/resize/media/2013/main/050300035025.jpg)
Bibiheybətdə neftçilər işi bərpa etdilər, amma tələblərindən imtina etmədilər
Bibiheybət NQHİ-nin dördüncü sahəsinin işçilərinin əmək haqqının artırılması tələbi ilə keçirdikləri bugünki tətil xəbərdarlıq xarakteri daşıyırdı, bu barədə Turan-a Neftçilərin Hüquqlarını Müdafiə Komitəsinin sədri Mirvari Qəhrəmanlı bildirib.
Onun sözlərinə görə, NQHİ-nin orta səviyyəli rəhbərləri işçilərlə görüşüblər və tələblərinə baxmağı vəd ediblər. Günün ikinci yarısında NQHİ-də iş bərpa olunub.
“Amma bu səviyyədə məsələlər həll olunmur. Əmək haqları artırılmasa tətil bərpa olunacaq”, deyə Qəhrəmanlı ehtimal yürüdüb.
Onun sözlərinə görə, əmək haqlarının aşağı olduğu digər NQHİ-lərdə də tətillər ola bilər. -16B04-
***
Bu gün səhər saatlarında Bibiheybətneft Neft- Qaz Çıxarma İdarəsinin 4-cü mədəninin işçiləri tətil ediblər. Bu barədə Turan-a Neftçilərin Hüquqlarını Müdafiə Komitəsinin rəhbəri Mirvari Qəhrəmanlı bildirib. Onun sözlərinə görə, tətilə 100-ə yaxın işçi qatılıb. Onlar əmək haqqının artırılmasını tələb edirlər.
“Bu işçilərin əmək haqqları 170-320 man civarındadır, üstəlik əmək haqqından 2% Silahlı Qüvvələrə yardım fonduna köçürülür. Bunu araşdırmaq lazımdır”, - M.Qəhrəmanlı əlavə edib.
O bildirib ki, bu, həmin ərazidə fəhlələrin 2-ci tətilidir. Bu ilin martında da tətil ediblər. M.Qəhrəmanlı deyib ki, rəhbərlik işçilərlə görüşməlidir. Fəhlələr xəbərdarlıq ediblər ki, tələblər yerinə yetirilməsə, Bibiheybətneft-in digər mədənləri də tətilə qalxacaq.
Hüquq müdafiəçisi neft sektorunda vəziyyətin acınacaqlı olduğunu bildirib.
Bu ilin martında ARDNŞ-yə məxsus “Bos Shelf” şirkətində 2000-ə yaxın fəhlə etiraz aksiyası keçirib. Aksiya iştirakları əmək haqqının artırılmasını və tibbi sığorta tələb ediblər. Rəhbərlik tələbləri qismən yerinə yetirib. -16B--
-
- Cəmiyyət
- 3 May 2013 14:50
-
- İqtisadiyyat
- 3 May 2013 15:07
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz