Sentyabrın 16-da “Binə” ticarət mərkəzində kütləvi zəhərlənmə nəticəsində 150 nəfər xəstəxanalara müraciət edib. Onların hamısına tibbi yardım göstərilib və hazırda 12 nəfərin müalicəsi davam etdirilir. Bu barədə Turan-a Qaradağ rayon prokurorluğundan bildiriblər.
Prokurorluq faktla bağlı Cinayət Məcəlləsinin 314-cü maddəsi (səhlənkarlıq) ilə cinayət işi başlayıb, araşdırmalar aparılır.
İlkin məlumatlara görə, Bakının ən böyük topdan və pərakəndə satış mərkəzlərindən olan “Binə” Ticarət Mərkəzində kütləvi zəhərlənməyə generatordakı nasazlıq səbəb olub. Dünən ticarət mərkəzində elektrik enerjisi kəsilib. Bu zaman işə salınan generatorlarda yaranmış nasazlıq insanların kütləvi zəhərlənməsi ilə nəticələnib. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz