Bu gün səhər Milli Məclisin deputatları parlament binasına bir qrup Qarabağ müharibəsi əlili və onların ailə üzvlərinin yanından keçərək gediblər. Qrupa qoltuqağaclı və əlil arabalı əlillər də daxil idi.
Vətəndaşlar qanunla onlara düşən yardımın ödənilməsini tələb etmək üçün parlamentin qarşısına gəliblər. Parlamentin iclasında deputatlar Siyavuş Novruzlu və Vahid Əhmədov bildiriblər ki, ödənilməmiş yardımların taleyi hökumət və Konstitusiya Məhkəməsi arasındakı mübahisə ilə həll edilir.
Deputatlar parlament rəhbərliyindən əlillərə kömək etməyi, onlara imtiyazlı mənzil və avtomobil verilərkən yol verilən ədalətsizliyi aradan qaldırmağı xahiş ediblər.
MM sədri Oqtay Əsədov hökumətin və Konstitusiya Məhkəməsinin ortaq həll yolu tapacağından və ödənilməmiş məbləğin müharibə əlillərinə veriləcəyindən əminliyini ifadə edib.
Bu arada, parlament qarşısında toplaşmış yüzlərlə əlil spikerin onların qarşısına çıxmasını tələb ediblər, amma onların qarşısına bir neçə deputat çıxıb və problemlərini həll etməyi vəd edib.
* Xatırladaq ki, yardımlar Qarabağ müharibəsi zamanı həlak olan və ya itkin düşən hərbiçilərə aiddir. Bundan başqa, veteranlar qanunla nəzərdə tutulan, amma Müdafiə Nazirliyi tərəfindən verilməyən imtiyazların onlara verilməsini tələb edirlər.
Hazırda məhkəmələrə Müdafiə Nazirliyinə qarşı 46 veteran iddiası var. Məhkəmələr iddiaların bir hissəsini təmin edib, amma Müdafiə Nazirliyi hələ də qərarları yerinə yetirməyib. -02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz