![Açiq mənbələrdən foto.](https://turan.az/resized/media/2023/main/030700059492-750-500-resize.webp)
Açiq mənbələrdən foto.
Bir qrup müharibə iştirakçısı onlara veteran statusu verilməsini tələb edib
Bakı/07.03.23/Turan: Bu gün İkinci Qarabağ müharibəsinin bir qrup iştirakçısı Azərbaycanın Müdafiə Nazirliyinin önündə etiraz aksiyası keçirib.
Onlar müharibədə iştirak etmələrinə baxmayaraq, veteran statusu ala bilmədiklərindən şikayət ediblər.
"Bizə veteran statusu verməkdən imtina edirlər. Biz öz ailələrimizi qoyub Vətənin müdafiəsinə yollandıq. Bəzilərimiz hətta sonradan kontuziyalı olmaları bəhanəsi ilə işə bərpa olumayıblar. Biz öz hüquqlarımızı tələb edirik. Bizə "veteran" adı üçün 80 manat yardım da lazım deyil, biz sadəcə olaraq statusumuzun tanınmasını istəyirik", deyə aksiya iştirakçılarından biri bildirib.
20-yə yaxın etirazçı status verilməsi məsələsində ayrı-seçkilikdən şikayət edib.
"Biz döyüşmüşük, yerdə yatmışıq, amma bizə status vermirlər. Yaxşı tanışı olanlar isə veteran vəsiqəsi alıblar. Belə çıxır ki, kasıblara status düşmür?", deyə daha bir müharibə iştirakçısı bildirib.
Nicat Mustafayev müharibənin ilk günündəcə cəbhəyə gedib.
"Mən Kəlbəcərin azad edilməsi uğrunda döyüşlərdə iştirak etmişəm, medalla təltif olunmuşam. Hərbi biletimdə N saylı hərbi hissənin tərkibində Kəlbəcər uğrunda döyüşlərdə iştirak etdiyim haqqında qeyd də var. Müdafiə Nazirliyindən isə mənə bildiriblər ki, medalı guya "həvəsləndirmək" üçün veriblər. Biz birinci sinif şagirdi deyilik ki, bizi "həvəsləndirsinlər". Biz hüquqlarımızı tələb edirik", deyə Mustafayev bildirib.
Azərbaycanın Müdafiə Nazirliyindən şərh almaq mümkün olmayıb. 06В
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz