president.az
Баку/07.03.23/Turan: Prezident İlham Əliyev bu gün Bolqarıstanın yeni təyin olunmuş fövqəladə və səlahiyyətli səfiri Ruslan Stoyanovun etimadnaməsini qəbul edib.
Azərbaycan və Bolqarıstanın yaxın və strateji tərəfdaş olduğunu vurğulayan dövlət başçısı ikitərəfli münasibətlərin bundan sonra da inkişaf edəcəyinə əminliyini bildirib. O, enerji sahəsində əməkdaşlığa diqqət cəlb edərək, "Cənub Qaz Dəhlizi" layihəsinin əhəmiyyətini qeyd edib.
Əliyev birgə layihələrin həyata keçirilməsinin Bolqarıstana Azərbaycan qazı üçün tranzit ölkəyə çevrilmək imkanı yaratdığını qeyd edib.
Azərbaycan prezidenti enerji sahəsi ilə yanaşı, digər sahələrdə də əməkdaşlığın inkişafı üçün potensialın olduğunu bildirib, ticarət dövriyyəsinin artırılması üçün səylərin göstərilməsinin vacibliyini vurğulayıb.
O, həmçinin Azərbaycan-Avropa İttifaqı və Azərbaycan-NATO əməkdaşlığında Bolqarıstanın rolunu qeyd edib.
Səfir Stoyanov öz növbəsində Azərbaycanın Bolqarıstanın strateji tərəfdaşı olduğunu bildirib. Enerji sahəsində əməkdaşlığa toxunan səfir Yunanıstan-Bolqarıstan Qaz İnterkonnektorunun istismara verilməsinin əhəmiyyətinə də toxunub, bunun Azərbaycandan bu ölkəyə karbohidrogen nəqlinin etibarlılığını təmin etdiyini vurğulayıb. 06B
Siyasət
-
Bu gün Azərbaycan 2020-ci ildə Vətən müharibəsində qələbəsini qeyd edərək Zəfər Gününü bayram edir. Bu həlledici münaqişə 1992-1994-cü illərdən Ermənistanın işğalı altında olan Azərbaycan torpaqlarının azad edilməsi ilə nəticələndi.
-
Dövlət başçısının sərəncamı ilə müdafiə nazirinin müavini və Quru Qoşunları komandanı general-leytenant Hikmət Mirzəyev general-polkovnik rütbəsinə layiq görülüb.
-
Macarıstanın paytaxtında Avropa Siyasi Birliyinin beşinci sammiti keçirilir. Tədbirdə bir çox ölkənin liderləri iştirak edirlər.
-
Donald Trampın dövründə Azərbaycan-Amerika münasibətlərinin gələcəyini indidən proqnozlaşdırmaq çətindir, - Azərbaycan Xalq Cəbhəsi Partiyasının lideri Əli Kərimli Turan agentliyinə bildirib.
Rəy yaz