Bakı/25.05.21/Turan: Bu gün, mayın 25-də “Təzə Bazar” adlanan Bakı ticarət mərkəzinin bir qrup sahibkarı etiraz aksiyası keçirib. Sahibkarlar iddia edir ki, ticarət mərkəzində bir neçə ay ərzində sökülən əmlakları bazar qiymətlərinə uyğun qiymətləndirilməyib. Onlar kompensasiya tələb edirlər.
Artıq 8 aydır 700 satış nöqtəsinin yerləşdiyi “Təzə Bazar” fəaliyyət göstərmir. Bu, ticarət mərkəzinin adı açıqlanmayan yeni sahibkar tərəfindən satın alınmasından sonra baş verib.
Satış nöqtələri sahiblərinə vəd edilib ki, “Təzə Bazar”ın yerində inşa ediləcək yeni ticarət mərkəzdə onlara bərabər satış yerləri veriləcək.
Mağaza sahiblərinin əksəriyyəti şərtləri qəbul edib və üç ticarət mərkəzində müvəqqəti satış nöqtələri alıb.
Sahibkarlardan bəziləri keçmiş “Qarabağ” mehmanxanasının yerində inşa edilmiş “EvroHom” ticarət mərkəzində, bəziləri “Təzə Bazar”la üzbəüz “AF Senter”də işləyir, digər bir qrup isə “Afkomplaza”da yer alıb.
Lakin 35 sahibkar şərtlərlə razılaşmayıb və pul kompensasiyası tələb edir.
“Burda özəl mağazalarımız qalıb. Onlar bizim dükanlarimizi boşaltdılar və qapılarını bağladılar, baxmayaraq ki, qanuni sənədlərimiz var. Obyektlər ailələrimizin yeganə gəlir mənbəyi idi. Mağazam mənim şəxsi mülkümdür, amma onu heç bir xəbərdarlıq edilmədən, təzminat verilmədən bağlayıblar”, - deyə sahibkar Fikrət Babayev qeyd edib.
Sahibkarlar dövlət qurumları ilə əlaqə saxlasalar da, müsbət cavab almadıqlarını bildirirlər.
Etiraz edən sahibkarlar bazarda 700-ə yaxın mağazada ən az 1500 işçinin işlədiyini deyirlər.—0—
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz