Açiq mənbələrdən foto.
Birinci yarımildə Azərbaycanda 5 tondan çox narkotik maddə qanunsuz dövriyyədən çıxarılıb
Bakı/29.08.23/Turan: 2023-cü ilin yanvar-iyul aylarında hüquq-mühafizə orqanları narkotiklərlə bağlı 6696 cinayət işini araşdırıblar. Bu barədə narkomanlığa və narkotik vasitələrin qanunsuz dövriyyəsinə qarşı mübarizə üzrə Dövlət Komissiyasının məlumatında deyilir.
Üstü açılan cinayətlərdən 2335-i narkotik vasitələrin qanunsuz satışı, 4112-i onların qanunsuz əldə edilib saxlanılması ilə bağlıdır.
Nəticədə 5 tondan çox narkotik vasitələr və psixotrop maddələr, o cümlədən 1 ton 598 kiloqram heroin, 2 ton 874 kiloqram marixuana, 221 kiloqramdan çox tiryək qanunsuz dövriyyədən çıxarılıb.
Həmin müddətdə 40068 ədəd metadon həbi, 7703 ədəd kapsul və 1133 ədəd güclü təsiredici həb qanunsuz dövriyyədən götürülüb.
Narkotik vasitələr və psixotrop maddələrin qaçaqmalçılığı ilə bağlı 165 fakt aşkar edilib. 1837 cinayət əvvəllər məhkum olunmuş şəxslər tərəfindən törədilib.
Bu ilin yanvar-iyul ayları nda qanunsuz dövriyyədən çıxarılmış narkotik vasitələrin və psixotrop maddələrin ümumilikdə dəyəri 225 milyon manatdan çox qiymətləndirilir.-0-
Cəmiyyət
-
Azərbaycandan Avropa Şurasının Parlament Assambleyasına (AŞPA) ölkədə sentyabrın 1-də keçiriləcək parlament seçkilərini müşahidə etmək üçün rəsmi dəvət göndərilməyib. Azərbaycan Xarici İşlər Nazirliyinin (XİN) sözçüsü Ayxan Hacızadə deyib ki, onlar 7 beynəlxalq təşkilata dəvət göndəriblər: “ATƏT Demokratik Təsisatlar və İnsan Haqları Bürosu, Müstəqil Dövlətlər Birliyi, İslam Əməkdaşlıq Təşkilatı, GUAM, Qoşulmama Hərəkatı Gənclər Təşkilatı, Şanxay Əməkdaşlıq Təşkilatı, Türk Dövlətləri Təşkilatı XİN-in dəvət etdiyi təşkilatlardır”.
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
"Gənc Qazilər" İB-nin Qəbələ rayon Filialının sədri, ikinci Qarabağ Vətən müharibəsinin iştirakçısı, Qazi Bəhram Nuruyev intihara cəhd edib. Vaxtında müalicəsinin düzgün aparılmaması və psixoloji durumunun yerində olmaması səbəbindən, dünən Qəbələ rayonunda özünü güllə ilə vurub.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
Rəy yaz