• flag_EN
    • flag_RU

Son yenilənmə

(8 saat əvvəl)
«Biz də insanıq, biz də yaşamaq istəyirik»
A- A A+
Turan İnformasiya Agentliyi
Turan İnformasiya Agentliyi

«Biz də insanıq, biz də yaşamaq istəyirik»

Bakı/11/08/16/Turan : Metronun “20 Yanvar” stansiyasının yaxınlığında, Yasamal rayonu, Abbas Mirzə Şərifzadə küçəsi 443-dəki yataqxana hamamsız, tualetsiz, üstəlik qəzalı binada 120-dən çox məcburi köçkün ailəsi məskunlaşıb. Bu Rabitə və Nəqliyyat Kollecinin yataqxanasıdır.
 
Hər mərtəbədə təxminən 1 mertlik “otaq” taxta qapı ilə örtülüb.Qapının deşilmiş yerləri kağızla tutulub.Sakinlər “sanitar qovşağı” adlandırdıqları yarı zirzəmidə həm yuyunur, həm də təbii ehtiyaclarını ödəyirlər.
 
Binada təxminən 120 məcburi köçkün yaşasa da, 600 ailə qeydiyyata alınıb.Qaçqınlar deyirlər ki, çoxu evini ya kirayəyə verib, ya da digər rayondan gələnlərə satıb.
 
Sakinlər deyri ki, uşaqları üçün oynamağa şərait belə yoxdur : “ İmkanımız da yoxdur ki, uşaqlarımızı harasa aparaq. Tozun, torpağın içində oynayırlar. Bəs biz də insanıq, biz də yaşamaq istəyirik “
 
2013-cü ildə Qaçqın və Məcburi Köçkünlərin İşləri üzrə Dövlət Komitəsinin sədri Əli Həsənov 1 milyon qaçqın və köçkün sayının 1992- 93-cü illərə aid olduğunu bildirib. “Keçən 20 il ərzində ölkə əhalisinin qaçqın və köçkünlərin sayı artıb. İlə 10 min artmaqla bu rəqəm 1 milyon 200 minə çatıb”. 
 
Xatırladaq ki, Azərbaycan Respublikasının Prezidenti İlham Əliyev məcburi köçkün ailələrinin mənzil-məişət şəraitinin yaxşılaşdırılmasına dair sərəncam imzalayıb.
 
Sərəncamda deyilir ki, “Azərbaycan Respublikasının 2016-cı il dövlət büdcəsində nəzərdə tutulmuş Azərbaycan Prezidentinin ehtiyat fondundan Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsinə 2,5 milyon (iki milyon beş yüz min) manat ayrılsın.-0-

Rəy yaz

Cəmiyyət

Bizi sosial şəbəkələrdə izləyin

Xəbər lenti