Bloger Əbdül Əbilovun işi üzrə məhkəmə prosesi başlayıb

Cümə axşamı Bakı Ağır Cinayətlər Məhkəməsində Əhməd Quliyevin sədrliyi ilə 31 yaşlı fəal facebook istifadəçisi Əbdül Əbilovun işi üzrə proses başlayıb.

Əbilov noyabrın 25-də qanunsuz narkotik saxlamaq və narkotik ticarəti ittihamı ilə həbs edilib. Nərimanov Rayon Məhkəməsi onun barəsində həbs qətimkan tədbiri seçib.

Hüquq müdafiəçilərinin fikrincə, Əbilov facebook-da “Yaltaqlara dur deyək” səhifəsini yaratdığına görə təqib olunur. O, saxlanıldıqdan sonra səhifə bağlanıb.

Bugünki hazırlıq iclasında vəkil Xalid Bağırov iki vəsatət qaldırıb. O bildirib ki, müdafiə etdiyi şəxs 22 mart tarixindən indiyədək həbsdədir.

Əbdül Əbilovun qanunsuz həbsdə olduğunu iddia edən vəkil Avropa İnsan Haqları Konvensiyasının 5-ci maddəsi (azadlıq və toxunulmazlıq) hüququnun, konstitutsion hüququnun pozuduğunu deyib.

Vəkil gənc fəalın həbsdə saxlanılması üçün heç bir əsas yoxdur. Belə ki, həbs qətimkan tədbiri ilə bağlı Cinayət Prosesual Məcəlləsi ilə Avropa Konvensiyası arasında ziddiyətlər var və bu ziddiyyətlər aradan qaldırılmayıb.

“Mən tələb edirəm ki, Əbdül Əbilov dərhal azadlığa buraxılsın. Çünki bu, əks təqdirdə Konvensiyanın əsas müddəalarının pozulması deməkdir”, deyə o bildirib.

Bu zaman hakim heyətinin üzvü Eynulla Vəliyev Bağırova vəkil mantiyası olmadan prosesdə iştirak etdiyinə görə irad tutub, bunu kollegiyaya qarşı hörmətsizlik adlandırıb.

Bu zaman Bağırov “o xalatın nüfuzunu sistem yaratmalıdır” deyə cavab verib.

Vəkilin bu sitatlarından sonra zalda alqış səsləri gəldi.

Hakim əl çalanların dərhal zaldan uzaqlaşdırılmasını tələb edib və 10 dəqiqəlik fasilə elan edib.

Fasilədən sonra Xalid Bağırov 2-ci vəsatətində bu cinayət işi üzrə yersiz sübutların işdən xaric edilməsini istəyib. Onunla əsaslandırıb ki, sübutlar toplanılarkən əməliyyat axtarış haqqında qanun pozulub, istintaq hərəkəti məhkəmənin qərarı olmadan aparılıb, ibtidai istintaq zamanı ilkin ifadələr təzyiq altında aparıldığından sübutlar siyahısından çıxardılmalıdır.

Vəkil bu qanun pozuntularının presidenti olaraq Konvensiyanın 8-ci (şəxsi həyata və ailə həyatına hörmət hüququ) maddəsinin kobud pozuntusu kimi qiymətlənmdirib.

Vəsatətlərin müzakirəsinə gəldirkdə isə dövlət ittihamçısı vəsatətlərin məhkəmədən təmin olunmamasını xahiş edib.

Daha sonra Əbilova söz verilib. O təzyiqə məruz qaldığını bildirib, lakin hakim sözünü kəsərək, ondan

işin “mahiyyəti üzrə” danışmasını istəyib.

Bundan sonra hakim hər iki vəsatəti təmin etməyib və işə baxılmasını aprellin 24-nə təyin edib.

Turan-a müsahibə verən Əbdül Əbilovun anası Nurcahan Əbilova oğlunun günahsız olduğunu, siyasi motivlərlə təqib edildiyini bildirib. Onun dediyinə görə, oğlu narkotikin necə olduğunu belə bilmir. O, oğlunun cibinə narkotik atıldığını gözü ilə gördüyünü bildirib.

Əbilov 234.4.3-cü maddə ilə ittiham olunur, bu maddə 12 ilədək azadlıqdan məhrumetmə cəzası nəzərdə tutur. -16D-