Bakı/26.05.17/Turan: Bu gün bloger Lapşinin vəkilinə bildirilib ki, onun cinayət işi üzrə ibtidai istintaq başa çatıb. Bu barədə Turan-a vəkil Eduard Çernin bildirib.
Onun sözlərinə görə, gələn həftə müdafiə tərəfi iş materialları ilə tanış olmağa başlayacaq.
Vəkil ehtimal edir ki, məhkəmə prosesi iyunun sonlarında başlaya bilər.
Lapşinin vəziyyətinə gəlincə, o, taxikardiyadan şikayət edir. Hələ də tibb məntəqəsindədir, ancaq hazırda bir az yaxşıdır, vəkil bildirib.
Rusiya, Ukrayna və İsrail vətəndaşı olan Aleksandr Lapşin Azərbaycanın işğal edilmiş ərazilərini qanunsuz keçdiyinə və ölkənin ərazi bütövlüyünə qarşı çağırışlara görə cinayət məsuliyyətinə cəlb edilib.
2016-cı ilin sonunda Belarusda saxlanılıb. 2017-ci il fevralın 7-də Azərbaycana ekstradisiya edilib. Onu bir neçə il həbs cəzası gözləyir. -06B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz