Bloger Mehman Hüseynov azad buraxılıb (YENİLƏNİB)

Bloger Mehman Hüseynov Baş Prokurorluğun Ağır Cinayətlərə dair İşlər üzrə İstintaq İdarəsində 30 dəqiqəyədək dindirlidikdən sonra yerli vaxtla saat 17-də azad buraxılıb. Bu barədə hüquqşünas günay İsmayılova Amerikanın Səsinə bildirib.

2014 Noyabr 10 (Bazar ertəsi) 16:53:05

Mehman Hüseynov saat 16.10-dək Səbael rayon Polis İdarəsində saxlandıqdan sonra indiki anlarda Baş Prokurorluğun Ağır Cinayətlərə dair İşlər üzrə İstintaq İdarəsinə gətirilib.

Mehman Hüseynov polis idarəsindən çıxarkən bildirib ki, onu prokurorluqda dindirəcəklər.

Xatırladaq ki, Hüseynov bir neçə gün öncə də Ağır Cinayətlərə dair İşlər üzrə İstintaq İdarəsində dindirlib.

2014 Noyabr 10 (Bazar) 09:58:48

Bu gün səhər saat 8.30-da tabınmış bloger Mehman Hüseynov Bakı Hava limanında saxlanıb. Ona ilk öncə pasportunda problem olduğu deyilib və sonra Hava Nəqliyyatında Polis İdarəsinə aparıblar. Bu barədə hazırda hava Polisinin qarşısında olna hüquqşünas Günay İsmayılova Turana  bildirib.

Mehman Hüseynov ATƏT-in noyabrın 10-11-də Tbilisidə keçirəcək tədbirində iştirak etmək üçün Gürcüstana gedirmiş.

Öz növbəsində Hava Nəqliyyatında Polis İdarəsinin növbətçi hissəsindən Turana Mehman Hüseynovun Səbael rayon Polis İdarəsi tərəfindən axtarışda olduğu üçün saxlanıldığını bildirblər. “O Səbael rayon Polis idarəsinə təhvil veriləcək”, deyə növbətçi hissədən deyiblər.

Amma Mehman Hüseynovun hansı səbəbdən axtarıldığı barədə məlumat verilməyib.