Bakı/20.05.22/Turan: Bloqer Rəşad Ramazanov mayın 20-də evdən çıxarkən saxlanıldığı bildirilir.
Onun həyat yoldaşı Könül Ramazanovanın sözlərinə görə, bloqer əvvəl Sabunçu rayon 14-cü polis bölməsinə aparılıb. "Rəşad ev telefonuna zəng vurub deyib ki, onu saxlayıblar, hazırda 14-cü polis bölməsindədir. Mən ora getsəm də, oradan mənə dedilər ki, Rəşadı Baş Narkotiklə Mübarizə İdarəsinin əməkdaşları saxlayıb ora apardılar".
K.Ramazanova qeyd edib ki, hadisə ilə bağlı Ombudsman Aparatına və "102" Xidmətinə məlumat verib.
Məsələ ilə bağlı Daxili İşlər Nazirliyindən münasibət öyrənmək mümkün olmayıb.
Bloqer Rəşad Ramazanov 2013-cü ilin may ayında həbs olunmuşdu. O, qanunsuz olaraq külli miqdarda narkotik vasitələri saxlamaqda ittiham edilib. R.Ramazanov ittihamı qəbul etməyib və öz həbsini sosial şəbəkələrdə hakimiyyət əleyhinə statuslar paylaşdığına görə həbs olunduğunu deyib.
O, 2019-cu ilin martın 16-da Prezident İlham Əliyevin imzaladığı əfv sərəncamı ilə azadlığa buraxılıb. –06D-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz