![ABŞ səfiri Azərbaycan Müdafiə Nazirliyinin Xarici Dil və Tərəfdaşlıq Mərkəzində ingilis dili üzrə təhsil alan tələbələrin buraxılışını qeyd edib](https://turan.az/resized/media/2022/main/052000045554-750-500-resize.webp)
ABŞ səfiri Azərbaycan Müdafiə Nazirliyinin Xarici Dil və Tərəfdaşlıq Mərkəzində ingilis dili üzrə təhsil alan tələbələrin buraxılışını qeyd edib
Bakı/20.05.22/Turan: ABŞ səfiri Li Litzenberqer general-leytenant Heydər Piriyevlə birlikdə zabitlərin ingilis dili hazırlığı kursunu bitirməsini qeyd edib. Müdafiə Nazirliyinin (MN) ingilis dili üzrə təlim proqramına ABŞ Dövlət Departamentinin Xarici Hərbi Maliyyələşdirmə proqramı tərəfindən maliyyələşdirilən ABŞ Hərbi Dili İnstitutunun İngilis Dili Mərkəzindən (MDİDM) amerikalı təlimatçılar tərəfindən tədris olunan dörd aylıq intensiv kurs daxildir. MDİDM ABŞ Müdafiə Nazirliyinin dünya üzrə hərbi tərəfdaşları üçün ingilis dili tədrisini təşkil edir.
Səfir Litzenberqer mərasim zamanı qeyd edib ki, ingilis dilinin tədrisi məzunlar üçün ABŞ-də peşəkar hərbi təhsil kurslarında iştirak etmək də daxil olmaqla digər imkanlar üçün atılan ilk addımdır. Səfir Litzenberqer deyib: “Ümid edirik ki, ingilis dili hazırlığı və peşəkar hərbi təhsil kursları təşkil etməklə biz azərbaycanlı tərəfdaşlarımızla uzunmüddətli dostluq əlaqələrini inkişaf etdirməyə davam edəcəyik”.
General-leytenant Heydər Piriyev deyib: “Həm ABŞ, həm də yerli təlimatçılar kursun uğurlu keçməsi üçün əllərindən gələni etdilər. İnanıram ki, məzunlar ölkəmizi beynəlxalq arenada şərəflə təmsil edəcəklər. Bu kurslara böyük töhfə verdikləri üçün təlimatçılara və hərbçilər üçün ingilis dili təliminin təşkilində köməyə görə ABŞ səfirliyinə təşəkkür etmək istərdim. Bu proqram xalqlarımız arasında dostluğu daha da möhkəmləndirəcək”.
Azərbaycan Müdafiə Nazirliyi və ABŞ hökuməti 17 ildir ki, Azərbaycan Müdafiə Nazirliyinin xarici dil və tərəfdaşlıq mərkəzini və oradakı ingilis dili proqramını inkişaf etdirmək üçün əməkdaşlıq edir. Builki ingilis dili təlimçi komandası tərəfindən təşkil edilən ABŞ-də Azərbaycan dili müəllimlərinin təlimi və MN-nin təhsil müəssisələrinə ingilis dili tədrisi üçün linqofon kabinetlərin ianəsindən əlavə, Azərbaycan MN-i üçün ingilis dili təlimi və sınaq materiallarına ABŞ hökumətinin əvvəlki sərmayələrini tamamlayır.
Bu barədə ABŞ-ın Azərbaycan Respublikasındakı səfirliyinin mətbuat xidmətindən məlumat verilib.—0---
-
- Cəmiyyət
- 20 May 2022 19:12
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz