BMT İP və Aİ Azərbaycanda gender bərabərliyinin təşviqi üzrə yeni layihə maliyyələşdirir

Bu gün BMT-nin İnkişaf Proqramı, Ailə, Qadın və Uşaq Məsələləri üzrə Dövlət Komitəsi və Regional İnkişaf naminə Qadınlar Cəmiyyəti tərəfindən birgə həyata keçirilən “Gender bərabərliyinin və qadın hüquqlarının təşviqində vətəndaş cəmiyyətinin rolunun gücləndirilməsi” layihəsinin həyata keçirilməsinə başlanılması ilə bağlı mərasim keçirilib.

Mərasimdə Ailə, Qadın və Uşaq Məsələləri üzrə Dövlət Komitəsinin rəhbəri Hicran Hüseynova, Aİ-nin Azərbaycan Nümayəndəliyinin rəhbəri Malena Mard, BMT-nin Bakıdakı reziden-əlaqələndiricisi Qulam İsaqzai, vətəndaş cəmiyyəti və media nümayəndələri iştirak ediblər.

444 min avro dəyərindəki layihə Aİ və BMT İP tərəfindən maliyyələşdirilir.

Hüseynova qeydedib ki, layihənin məqsədi sabit inkişaf prosesində qadınların iştirakının təminedilməsivə onların səmərəli fəaliyyəti üçün mexanizmlər yaradılmasından ibarətdir.

“Qadınların öz səlahiyyətlərini həyata keçirməsi dövlət siyasətində mühüm prioritetdir. Gender bərabərliyinin təmin edilməsi üzrə həyata keçirilən tədbirlə rartıq töhfəsini verir”, deyə Hüseynova bildirib.

Öz növbəsində, Mard qeyd edib ki, layihə bərabər iqtisadi şəraitin və imkanların yaradılmasına yönəlib.

“Biz bərabər imkanlar dedikdə məşğulluğu da nəzərdə tuturuq. Sahibkarlar arasında qadınların yeri 18% təşkiledir. Bu göstəricini yüksəltmək lazımdır”, deyə Mard bildirib.

İsaqzai öz növbəsində bildirib ki, BMT İP 2011-ci ildən Ailə, Qadın və Uşaq Məsələləri üzrə Dövlət Komitəsi ilə birlikdə Azərbaycanın regionlarında qadınlara dəstək üçün resurs mərkəzləri yaradıb.

Hazırki layihə Biləsuvar, Neftçala və Sabirabadda həyata keçiriləcək, deyə o qeydedib. -0-