Hərbi attaşelər kimyəvi aşqarlı mərminin düşdüyü yerə baxış keçiriblər (YENİLƏNİB-VİDEO)

Azərbaycanda akkreditə olunmuş bir qrup hərbi attaşe bu gün cəbhə xətti yaxınlığında ermənilərin buraxdığı kimyəvi ağ fosfor aşqarlı artilleriya mərmisinin düşdüyü yerə baxış keçiriblər.

Azərbaycan XİN-in rəsmi nümayəndəsi Hikmət Hacıyevin verdiyi məlumata görə, 11 ölkədən 20 hərbi mütəxəssis qadağan edilmiş 122 mm-lik kimyəvi aşqarlı artilleriya mərmisinin atılması nəticəsində yaranmış çalaya baxış keçiriblər.

Fakt sənədləşdirilib və materiallar bütün beynəlxalq təşkilatlara göndəriləcək. “Qoy hamı bilsin ki, ermənilər Azərbaycanın yaşayış məntəqələrinə qadağan edilmiş kimyəvi silahdan atəş açır”, deyə Hacıyev bildirib.

Onun sözlərinə görə, mərminin düşdüyü yerə ATƏT nümayəndələri də baxış keçirəcəklər, bundan sonra bu çuxur zərərsizləşdiriləcək. -06В-

*   *   *

2016 May 11 (Çərşənbə) 11:20:01

Bu gün Xarici İşlər və Müdafiə nazirlikləri Azərbaycanda akkreditə olunmuş hərbi attaşelərin cəbhə bölgəsinə səfərini təşkil edib. Bu barədə Turan-a XİN-in mətbuat katibi Hikmət Hacıyev bildirib. O qeyd edib ki, ölkədə akkreditə edilmiş 20-yə yaxın hərbi attaşe səfərdədir. Bundan əlavə, ATƏT-in fəaliyyətdə oan sədri kimi Almaniya səfirliyinin nümayəndəsi də səfərə qatılıb.

H.Hacıyevin sözlərinə görə, Azərbaycan Ərazilərinin Minalardan Təmizlənməsi üzrə Milli Agentlik (ANAMA) tərəfindən Tərtər rayonunun Əskipara kəndində Ermənistan Silahı Qüvvələri tərəfindən fosfor təyinatlı silahın istifadə olunması müəyyən edilib: “Bu da beynəlxalq konvensiyalarla qadağan olunmuş silahdır. Kifayət qədər təhlükəli xarakter daşıyır. Bu faktla əlaqədar XİN və Müdafiə Nazirliyi tərəfindən Azərbaycanda akkreditə olunmuş hərbi attaşelərin hadisə yerinə səfəri təşkil olunur. Onlar yerindəcə ermənilər tərəfindən fosforlu silahın istifadəsi ilə tanış olacaqlar. ANAMA mütəxəssisləri tərəfindən də mərminin təfərrüatları izah olunacaq”.

Qeyd edək ki, buna qədər adı çəkilən nazirliklər aprelin 2-5-də Qarabağ cəbhəsində baş vermiş hərbi əməliyyatlardan sonra ölkədə akkreditə edilmiş xarici  ölkə jurnalistlərini, daha sonra diplomatları, indi isə hərbi attaşeləri hadisə ilə bağlı yerində tanış olmaq üçün cəbhə zonasına aparıb.-05B-

Rəy yaz

Cəmiyyət

İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda



Bizi sosial şəbəkələrdə izləyin

Xəbər lenti