Bazar ertəsi Bakıda Four Seasons otelində BMT Təhlükəsizlik Şurasının “Qərarların qəbulunda və siyasətin həyata keçirilməsində gənclərin iştirakı” mövzusunda ilk model konfransı keçirilib. Forum oktyabrın 25-dək davam edəcək.
Konfransda gənclərin nümayəndələri – BMT TŞ üzvü olan 15 ölkədən tələbələr və məzunlar qlobal kibertəhlükəsizliyin təmin edilməsi üzrə simulyativ müzakirələr aparacaqlar.
BMT baş katibi Pan Gi Mun konfrans iştirakçılarına videomüraciət edib.
“BMT-nin model konfransı kibertəhlükəsizliyə qarşı mübarizə standartlarının təkmilləşdirilməsi üzrə tədbirlər haqqında maariflənməyə şərait yaradacaq. Əminəm ki, siz qloballaşan dünyada BMT-nin rolunu daha yaxşı anlayacaqsınız”, deyə BMT baş katibi bildirib.
Azərbaycan gənclər və idman naziri Azad Rəhimov belə bir fikir bildirib ki, model konfransı çərçivəsində dünyanın 15 ölkəsindən 45 gəncin iştirakı ilə müzakirələr kibertəhlükəsizlik sahəsində beynəlxalq səylərə töhfə olacaq.
Rabitə və informasiya texnologiyaları naziri Əli Abbasov qeyd edib ki, kibertəhlükəsizlik qlobal cinayətlərin 4 əsas növündən birinə (narkobiznes, insan və silah alveri) çevrilib.
O, kibercinayətlərə qarşı mübarizə üçün beynəlxalq hüquqi çərçivələrin olmamasına diqqət çəkib. Lakin İnternetin sürətlə inkişafı və 2020-ci ilə qədər bütün dünya üzrə 15 mlrd. qurğunun İnternetə qoşulması BMT çərçivəsində beynəlxalq sazişlər işlənib hazırlanmasını tələb edir.
Azərbaycan XİN rəhbərinin müavini Araz Əzimov da dünyada kibertəhlükəsizliyin vahid tərifinin olmadığını, bunun kibercinayətlərə qarşı səmərəli mübarizəni çətinləşdirdiyini qeyd edib.
İKT sərhəd tanımır və buna görə İnternetdən kibercinayətlər və terrorizm məqsədilə istifadənin qarşısını almaq üçün səmərəli beynəlxalq əməkdaşlıq lazımdır. Əzimov Azərbaycan, Ukrayna, Moldova və Gürcüstanın bu sahədə əməkdaşlıq etdiyini bildirib.
BMT baş katibinin gənclərin işləri üzrə xüsusi nümayəndəsi Əhməd Əlhandavi əhalinin təhlükəsiz İnternetə çıxışının əhəmiyyətini vurğulayıb. Bu zaman o, təkcə BMT TŞ-nin prosedurlarına deyil, həm də BMT prinsiplərinə - demokratiya, insan hüquqları, layiqli həyat, təhlükəsizlik və sülhə diqqət yetirməyə çağırıb.
BMT-nin Azərbaycanda rezident-əlaqələndiricisi Antonius Bruk qeyd edib ki, konfrans gənclər və onların dünya görüşünün və diplomatiya sahəsində bacarıqlarının inkişafı üçün yaxşı imkan olacaq.
Konfrans BMT İnkişaf Proqramı və Azərbaycanın Gənclər və İdman Nazirliyi tərəfindən təşkil edilib.
Əvvəlcə iştirakçılar BMT İctimai İnformasiya Departamenti tərəfindən təşkil olunan iki günlük treninq keçəcəklər.
BMT TŞ-nin kibertəhlükəsizlik məsələləri üzrə simulyativ sessiyası Azərbaydan Diplomatiya Akademiyasında keçiriləcək. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz