Böhtan və təhqirə görə cəza sərtləşdirilir

Bakı/19.07.17/Turan: Cinayət Məcəlləsinə düzəlişlərin edilməsi barədə qanun layihəsi  Milli Məclisə təqdim olunub. Dəyişikliklər cərimələrin artırılmasını nəzərdə tutur və  174 (böhtan) və 148-cı (təhqir) maddələri əhatə edir. 

Belə ki, 147-ci maddənin 1-ci bəndində nəzərdə tutulan pozuntuya – digər şəxsin şərəf və ləyaqətinə toxunan, açıq çıxışlarda,  KİV və ya İnternetdə  onun reputasiyasını ləkələyən yalan məlumatların qəsdən yayılmasına görə 1000 manatdan 1500 manatadək cərimə müəyyən edilir. Hazırda bu hərəkətə görə cərimənin məbləği 100 manatdan 500 manata qədərdir.

148-ci maddədə cərimələrin 300-1000 manatdan 1000-1500 manatadək artırılması nəzərdə tutulur.

Milli Məclisdən Turan-a bildiriblər ki, sənəd aprelin 20-də baxılmaq üçün müvafiq parlament komissiyalarına təqdim olunacaq və aprelin 25-də plenar iclasa çıxarılacaq.

44-cü maddəyə (cərimələr) də düzəlişlər təklif edilib. Bu, əmlaka görə zərərin ödənilməsi üçün cərimənin maksimum həcminin törədilən cinayətin ağırlığı və mühakinə edilənin əmlak durumu nəzərə alınmaqla iki dəfə  - 10 min manatdan 20 min manatadək artırılmasını nəzərdə tutur.

Ekspertlərdən biri Turan-a bildirib ki, CM-in müxtəlif maddələrində cərimələr törədilən cinayətə görə alternativ cəza kimi nəzərdə tutulub. Bundan əlavə, məhkəmələr dəyən zərərə görə cərimə müəyyən edə bilər. Ekspertin fikrincə, Azərbaycanda hüquq –mühafizə orqanlarının apardıqları özbaşına araşdırmalara görə dəyən zərərin həcmini obyektiv müəyyən etmək çox çətindir.—06B--