Vaxtından əvvəl şərti azadlığa buraxılma üzrə komissiya 66 ərizəyə baxıb
Bakı/19.04.17/Turan: Aprelin 18-də vaxtından əvvəl şərti azadlığa buraxılma üzrə komissiya 17 saylı qarışıq saylı koloniyaya baş çəkərək vaxtından əvvəl şərti azadlığa buraxılma ilə bağlı 40, adi koloniyadan məntəqə tipli koloniyaya köçürülmə ilə bağlı 26 müraciətə baxıb.
Məhkumların özlərinin iştirakı ilə işlərə baxılması zamanı onlardan 57-i (86%) müsbət rəy alıb. Bu rəylər məhbusların ərizəsinə əlavə kimi rayon məhkəməsinə göndəriləcək. Bu barədə Azərbaycan Hüquq Müdafə Mərkəzi (AHMM) bildirib.
Ədliyyə nazirinin təşəbbüsü ilə 4 il öncə yaradılan komissiyaya Ədliyyə Nazirliyinin müxtəlif strukturlarının əməkdaşları, həmçinin nazir yanında İctimai Komitənin üzvləri daxildir.
Komissiya saxlama rejiminin yumşaldılması və ya vaxtından əvvəl şərti azadlığa buraxılma işlərinə baxılması zamanı üçüncü tərəf kimi çıxış edir və ərizəçinin maraqlarını dəstəkləyir.
Məlumatda deyilir ki, 17 saylı koloniyada vərəmdən müalicə olunanlar, QİÇS və hepatit xəstələri var. Onları sağlam məhbuslardan ayrı saxlayırlar. Narkomanlar da az deyil. Müalicə kursu keçənlərin, zərərçəkənlə barışanların, dəyən zərəri ödəyənlərin, özünü yaxşı aparanların azadlığa buraxılması tövsiyə olunur.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz