Xarici meyvə və tərəvəz �yerli� idxalın statistikasını doldurub

Bakı/19.04.17/Turan: Ölkəyə idxal edilən məhsulların bir hissəsi ölkədən çıxarılır, bununla da ixracla bağlı müsbət dinamika formalaşdırılır. Belə ki, bu ilin birinci rübündə xarici məhsulların əhəmiyyətli hissəsi yenə də ixrac edilib. 

İdxal-ixracın müqayisəli təhlili dövlət məmurlarının 3 ayda ixracın 44% artması barədə bəyanatları baxımından maraqlıdır. İqtisadi Tədqiqatlar Mərkəzinin məlumatına görə, ixrac ötən ilə nisbətən artsa da, 2014-cü ilə nisbətən iki dəfə azalıb. Qeyd edildiyi kimi, ixrac idxaldan 4 dəfə aşağıdır. Son analiz göstərir ki, deyilən ixrac artımı idxalla bağlıdır.    

«Bu ilin 3 ayında Azərbaycana 100,5 min ton meyvə və tərəvəz idxal edilib. Bunun 45 min tonu daxili tələbat, 55,5 min tonu ixrac üçündür. İlin əvvəlindən 2,6 min ton çay gətirilib. Bunun 70%-i daxili tələbat, qalanı ixrac üçündür. Eləcə də 31,3 min ton bitki yağı, heyvani yağ və kərə yağı gətirilib. Bunun 28,3 min tonu daxili tələbata, 3 min ton ixrac statsitikasına yönəldilib. Qənd idxalı 81,6 min ton olub, 68,1 min ton daxili tələbat üçün, 13,4 min ton isə ixrac edilib», - deyə İTM eksperti Vahid Məhərrəmov Turan-a bildirib.

2017-ci ilin I rübündə ərzaq idxalı ötən ilə nisbətən 20,8% artıb. Ət idxalı 2,3 dəfə, diri çəkidə 20,8% artıb. Süd idxalı 81%, yağ idxalı  25%, şəkər idxalı 94% artıb. İdxal artımı yerli istehsalın aşağı səviyyəsini göstərir. Ixracın xarici məhsulun gətirilməsindən asılılığı təkcə daxili istehlakçıların deyil, Azərbaycanın ixrac imkanlarının da xaricdən ərzaq idxalına sıx bağlı olduğundan xəbər verir.—0—