Britaniya biznesi Bakıda Avropa Olimpiadasının keçirilməsində iştirak etmək istəyir

Britaniyanın idman sahəsində konsaltinq şirkəti 4 Global 2015-ci ildə Bakıda ilk Avropa Olimpiya oyunlarının keçirilməsində iştirak məqsədilə Azərbaycan hökuməti ilə danışıqlar aparır.

Şirkətin məsləhətçisi Utku Toprakseven hesab edir ki, Azərbaycan idman tədbirlərinin keçirilməsi sahəsində mühüm regional oyunçulardan birinə çevrilir. Bu, təkcə müasir idman infrastrukturunun deyil, həm də təhlükəsizlik tədbirlərinin, İT xidmətin mövcudluğunu nəzərdə tutur.

Bu, əsasən böyük idman tədbirlərinin keçirilməsi ilə bağlı müvəqqəti işlərdir, Britaniya tərəfin bu sahədə böyük təcrübəsi var, deyə Toprakseven Böyük Britaniyanın Bakıdakı səfirliyində bir qrup jurnalistlə söhbətində bildirib.

Turan-ın hər-hansı razılıq əldə edilib-edilmədiyi barədə sualına cavabda Topraksevən deyib ki, Gənclər və İdman Nazirliyində və oyunların keçirilməsi üzrə təşkilat komitəsində məzmunlu görüşlər və danışıqlar keçirilib. “Gələn ay ilk müqavilə və sazişlərin imzalanacağını gözləmək olar, baxmayaraq ki, müxtəlif şirkətlərlə danışıqlar hələ uzun müddət, oyunlar başlayana qədər davam edəcək”, deyə o bildirib. -02В-