Vətəndaş Həmrəyliyi Partiyası (VHP) cümə axşamı öz ofisində tanınmış dilçi-professor, keçmiş təhsil naziri Firudin Ağasıoğlunun “Daşbaba” kitabının müzakirəsini keçirib.
Türkçülük tarixinə aid bu kitab türk xalqlarına aid daş abidələrin tədqiqinə həsr edilib. Həm də daş abidələrin öyrənilməsi sahəsində çox nadir kitablardan olduğu üçün təbliği zəruri hesab edilib. Avrasiya arealında qoç, insan formalı belə daş abidələrin çox olduğu deyilib. Həm də bu abidələrin hamısının məhz türk xalqlarına aid olduğu iddia edilib.
Müəllif F.Ağasıoğlu bu abidələrin 5-6 min illik tarixə malik olduqlarını vurğulayıb. O, bu daş abidələri ümumtürk mədəniyyətinin bir parçası kimi dəyərləndirib. Bu daş abidələrin çoxu məhv edilsə də, ayrı-ayrı nümunələr qalmaqdadır. Belə daş abidələrə ən çox Abşeronda, Gədəbəydə, Astarada, Güney Azərbaycanın Meşkin, Təbirz şəhərlərində rast gəlindiyi qeyd edilib. Bu abidələrə habelə Türkiyənin Hakkari vilayətində rast gəlindiyi ifadə edilib. Eyni zamanda, müəllif bu daş abidələrin çoxunun Avropaya daşındığını nəzərə çatdırıb.
F.Ağasıoğlu bu abidələrin Urmu tarixi mənbələrinə isnadən araşdırıldığını xüsusi qeyd edib. Belə abidələrin Rusiya, Ukraynada olduğu deyilib. Amma rus tarixçilərinin bu abidələri lokal şəkildə öyrəndiyi, bütün Avrasiya arealı boyunca olan bu abidələr arasında rabitəni aşkarlamaq istəmədiyi deyilib. “Bu abidələr arasında əlaqələr göstərildiyi halda bu arealın türk arealı olması faktı ortaya çıxır, bunu etiraf etmək istəmrilər”, - deyə F.Ağasıoğlu əlaqələrin göstərilməməsi səbəbini izah edib. Müəllif bu daş abidələri öyrənmədikcə “türkün miqrasiya” xəritəsini öyrənməyin mümkünsüz olduğuna işarə edib. Son olaraq, müəllif gənc tarixçi alimlərə daş abidələrin bundan sonra da öyrənilməsi, diqqətdən kənarda qalmaması tövsiyəsi verib.
144 səhifə həcmində kitab (F.Ağasıoğlu. Daşbaba (türkün daş yaddaşı)) 2013-cü ildə Hərbi nəşriyyat mətbəəsində çap edilib. -05C-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz