Britaniya Azərbaycanla iqtisadi əməkdaşlığı genişləndirmək istəyir

Böyük Britaniya baş nazirinin və parlamentinin Azərbaycanda, Qazaxıstanda və Türkmənistanda ticarət məsələləri üzrə elçisi Çarlz Hendir Bakıda 2 günlük danışıqların yekunlarına görə Böyük Britaniya səfirliyində jurnalistlərə müsahibə verib.

“İqtisadi əməkdaşlıq kifayət qədər yaxşı inkişaf edir, bu gün BP şirkəti ölkənizdə ən böyük investordur, amma gücləndirmək istədiyimiz bir çox başqa sahələr də var”, deyə Hendri bildirib.

“Mənim vəzifəm hakimiyyət və yerli sahibkarlarla müqavilələr bağlamaq və işləmək üçün ildə 2-3 dəfə buraya gəlmək və britaniyalı biznesmenləri gətirməkdir”, deyə o bildirib.

Hazırki səfərinin konkret məqsədləri haqqında suala cavabda Çarlz Hendri bildirib ki, Şahdəniz yatağının ikinci mərhələsinin işlənməsi ilə Azərbaycanda xarici biznesin iştirakı üçün böyük imkanlar açılır və Britaniya biznesi bunda iştirak etmək istəyir. Belə imkanlara Ağ Şəhərin tikintisi misal ola bilər.

“Biz bütün bunlar haqqında prezident Əliyevlə danışmışıq və mən danışıqların yekunlarından məmnunam, biz birgə işləyəcəyik”, deyə elçi qeyd edib.

Turan-ın britaniyaların hansı sahələrə maraq göstərdiyi barədə sualına cavabda Hendri bildirib ki, bu, inşaat, turizm, telekommunikasiya və informasiya texnologiyaları, təhsil, bank sahəsi və s.-dir.

“Bu məsələlər baş nazirlə görüş zamanı, daha sonra isə iki ölkə arasında işgüzar görüşlər zamanı da dəqiqləşdiriləcək”, deyə elçi bildirib. -02В-