Bu gün sonuncu çərşənbə qeyd edilir

Bu gün Azərbaycan xalqı Novruz çərşənbələrinin sonuncusunu qeyd edir.

Sıralamya görə dörd çərşənbə qeyd olunur ki, birincisi su, ikincisi od, üçüncüsü yel və sonuncu  dördüncü torpaq çərşənbəsidir. Şərq ürfan alimləri bu dörd ünsürü kainat və bəşərin yaradılışının əsası sayırlar. Ürfan böyükləri bu dörd ünsür yaradıldıqdan sonra Allah-Təalanın insanı yaratdığını, onu bütün yaradılmışların alisi elan etdiyini bildirirlər.

Torpaq çərşənbəsi olan sonuncu çərşənbəyə xalq içində axırıncı və ya ilaxır çərşənbə də deyilir. Yerli Bakı əhalisi conuncu çərşənbəyə həm də “üskü” bayramı  deyir.   

Sonuncu çərşənbə bayramının qeyd olunmasından sonra baharın gəlişilə başlanan Yeni il arasında 1-2 gindən ən uzağı bir həftədək vaxt qalır.

Sonuncu çərşənbədə də əvvəlki çərşənbələr kimi tonqallar yandırılır, amma bu dəfə daha gur yandırılır. Tonqal üstündən tullanmaq, bəzənsə 7 tonqal üstündən atılmaq kimi adətlər həyata keçirilir. Bundan əlavə, sonuncu çərşənbədə əsasən qızlara aid “qulaq falı”na çıxma kimi adət var. “Qulaq falı” daha çox birinci hansı sözün eşidiləcyinə aid olur. Ona görə də bütün ailələr həmin gün yalnız xoşa gələn sözlər danışır ki, qulaq falına çıxanlar məyus olmasınlar.

Bu çərşənbədə təmtəraqlı süfrə açılır. Süfrə səmənilərlə, şamlarla bəzədilir. Süfrəyə bayram bişintiləri olan şəkərbura, paxlava, qoğal, bəzənmiş yumurta, müxtəlif çərəzlər qoyulur.-05-