Camal Əlinin qohumlarını polisdən buraxıblar (yenilənib)
Yanvarın 6-da axşam reper Camal Əlinin anası və dörd qohumunu Bakı Şəhər Baş Polis İdarəsindən buraxıblar. Qeyd edək ki, onları səhərdən orada saxlayıblar.
C.Əli Turan agentliyinə bildirib ki, onun anasına deyiblər ki, “oğlu təhqirlərə yol verməsə” onu narahat etməyəcəklər.
Kimi təhqir etməsilə bağlı sualın cavabında reper deyib: “Mən həqiqəti söyləmişəm və nələri hiss edirəm onu demişəm”. O yeni klip çəkəcəyini bildirib. Reperin sözlərinə görə, bu, “biz az mədəni formada, ancaq tənqidlə dolu” olacaq.
“Yaxşı deyil, mənə görə qohumlarımı narahat edirlər. Onlara telefon edib üzr istəyəcəm”, - o vurğulayıb.-16В06--
* * *
Almaniyada siyasi mühacirətdə olan reper Camal Əlinin anası və bir neçə qohumu Bakı şəhər Baş Polis İdarəsinə gətirilib.
Reperin sözlərinə görə, onlardan Camal Əlinin Youtube-da yerləşdirdiyi “Abidə baba” videoklipini silməsinə nail olmağı tələb ediblər.
Reperin anası Gülşən Əliyeva dünən Sabunçu rayon polis idarəsinə aparıblar, deyə Camal Əli Turan-a bildirib.
“Anama deyiblər ki, onu mənə görə saxlayıblar. Youtube-dan videonu silməyim üçün xəbərdarlıq ediblər. Bu gün yenə gəliblər, amma bu dəfə Bakı Şəhər Baş Polis İdarəsinə aparıblar”, deyə reper bildirib.
Camal Əli bildirib ki, videonu silməyəcək. “Qoy İlham Əliyev istefa versin, onda silərəm”, deyən reper qeyd edib ki, anası təqaüdçüdür.
Qeyd edək ki, rep janrındakı sözügedən klip insan hüquqlarının pozulmasını və vətəndaşların öz fikirlərini bildirdiklərinə görə təqib olunmasını tənqid edir.
Öz növbəsində, DİN-in mətbuat xidmətindən Turan agentliyinə bildiriblər ki, Əlinin anasının və qohumlarının saxlanılması barədə məlumatları yoxdur.
Camal Əliyev 2012-ci ilin martında gənclərin mitinqində mahnı ifa edərkən senzurdankənar söyüşə yol verib və 10 gün müddətinə həbs olunub, həbsdə olarkən döyülməyə məruz qalıb.
Azad edildikdən sonra – Bakıda “Eurovision 2012” mahnı müsabiqəsi ərəfəsində o, Azərbaycandan mühacirət edib. -16C06-
-
- İqtisadiyyat
- 6 Yanvar 2017 14:12
-
- Söz istəyirəm
- 6 Yanvar 2017 14:37
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz