![Təhlükə potensiallı obyektlərin siyahısı təsdiq edilib](https://turan.az/resized/./turan-750-500-resize.webp)
Təhlükə potensiallı obyektlərin siyahısı təsdiq edilib
Nazirlər Kabineti dekabrın 30-da "Təhlükə potensiallı və dövlət əhəmiyyətli tikinti obyektlərinin Siyahısı"nı təsdiq edib.
Təhlükə potensiallı obyektlərin 21 növü müəyyən edilib. Bunlar diametri 1000 mm-dən artıq olan magistral boru kəmərləri; su və istilik elektrik stansiyaları, kompressor stansiyaları, qazanxanalar, həcmi 10 milyon kubmetrdən artıq olan su hövzələri və onların bəndləri; neft emalı maddələrinin istehsalı zavodları; neft və neft məhsullarının saxlanılması üçün anbarlar və maye qazların izometrik anbarları; dəniz şelfində quraşdırılan neft və qazçıxarma platformalarıdır. Bu obyektlərə tutumu 500 tondan artıq olan taxıl terminalları, elevatorlar, anbarlar, un dəyirmanları, qarışıq yem istehsalı obyektləri; aspirasiya qurğuları; çoxmərtəbəli binaların yeraltı və yerüstü hissələrində yerləşən, yüzdən artıq avtomobil üçün dayanacağı olan qarajlar; yüksəkgərginlikli elektrik xətləri, yanacaqdoldurma məntəqələri də daxil edilib.
Dövlət əhəmiyyətli tikinti obyektlərinin siyahısına respublika əhəmiyyətli muzeylər, dövlət kitabxanaları və arxivləri, metro stansiyaları və tunellər, uzunluğu 1000 metrdən artıq olan körpülər, tutumu 2 min nəfərdən artıq olan qapalı və üstüörtülü idman qurğuları, konsert və konfrans sarayları; 75 metrdən hündür olan və dövlət vəsaiti hesabına inşa olunan ictimai və çoxfunksiyalı bina və qurğular; hava və dəniz limanları, dəmiryol vağzalları və avtovağzallar daxildir.
Sənəd 2012-ci ilin iyununda təsdiq edilən Şəhərsalma və Tikinti Məcəlləsinin tələblərinin icrası üçün qəbul edilib. 08D
-
- Cəmiyyət
- 6 Yanvar 2017 14:36
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz