Çaylarda yüksək sululuq qalır

Son həftələr yağan  güclü yağıntılar nəticəsində Azərbaycanın bütün çaylarında sululuğun yüksək səviyyədə olması müşahidə edilir.

Ekologiya və Təbii Sərvətlər Nazirliyinin monitorinqinə görə, Quba-Xaçmaz bölgəsi çaylarında və Böyük Qafqazda sululuq ongünlük normanın 190-260%, Kiçik Qafqaz çaylarında 230-360%, Lənkəran-Astara zonsında 140-330%-ni təşkil edir.

Noyabrın 4-də Kür çayının Qıraqkəsəmən məntəqəsində suyun səviyyəsində 11 sm. azalma müşahidə olunub. Hazırda məntəqədə su sərfi 200 m3/s olmaqla ongünlük normanın 107%-ni təşkil edir. Ötən il bu rəqəm 166 m3/s olmaqla ongünlük normanın 89%-ni təşkil edib.

Qanıx çayının Əyriçay məntəqəsində suyun səviyyəsində 10 sm. azalma müşahidə olunub. Hazırda məntəqədə su sərfi 150 m3/s olmaqla, ongünlük normanın 178%- ni təşkil edir. Bir il öncə bu göstərici 205 m3/s təşkil edərək ongünlük normanın 243%-nə bərabər olub.

Kür çayının Surra məntəqəsində 6 sm., Bankədə 7 sm., Araz çayının Novruzlu məntəqəsində 4 sm. azalma qeydə alınıb. Salyanda isə suyun səviyyəsində dəyişiklik müşahidə olunmayıb.

Surrada suyun səviyyəsi 538 sm. (2015-ci ildə 493 sm. olub), Salyanda 404 sm. (2015-ci il- 322 sm.), Bankədə 279 sm. (241 sm.), Novruzluda 256 sm. (210 sm.) təşkil edir.—06D--