Maliyyə Bazarlarına Nəzarət Palatası (MBNP) valyuta alqı-satqısında tətbiq olunan marja ilə bağlı kommersiya banklarına xəbərdarlıq edib. Bunu jurnalistlərə MBNP rəhbəri Rüfət Aslanlı deyib.
Turan məlumat verir ki, Palata bankları indiki həssas dövrdə qanunvericiliyə əməl etməyə çağırıb.
“Marjanı pozanlara qarşı ən ciddi tədbirlər görüləcək”, - o bildirib.
R.Aslanlı deyib ki, hazırda MBNP-nin gündəliyində hansısa bankn bağlanması məsələsi yoxdur. O qeyd edib ki, Palatanın əsas vəzifəsi maliyyə sektorunun dayanıqlığını təmin etməkdir.
Azərbaycan Beynəlxalq Bankının sağlamlaşdırılmasına gəlincə, E.Aslanlı bildirib ki, bu proses 2017-ci ildə başa çatacaq.
O qeyd edib ki, bu məsələlərlə əlaqədar MBNP hökumət və Maliyyə Nazirliyi ilə sıx işləyir.
“Hazırda Beynəlxalq Bank idarə olunacaq səviyyəyə qədər kiçildilib, onun müəyyən aktivləri, öhdəlikləri bank sektorunun digər təmsilçilərinə ötürülür”, - R. Aslanlı bildirib.71D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz