Yanvarın 19-da Cəbrayıl rayonundan olan məcburi köçkünlər – Cəlal Quliyev, Zaur Fehruzlu və Ülvi Quliyevin barəsində seçilmiş həbs qətimkan tədbirinin dəyişdirilməsi barədə Cəbrayıl Rayon Məhkəməsinin qərarından apellyasiya şikayətini Şirvan Apellyasiya Məhkəməsi təmin etməyib. Bu barədə vəkil Elçin Sadıqov Facebook səhifəsində yazıb.
Beləliklə, Cəbrayıl Rayon Məhkəməsinin hər üç şəxsin barədə 3 aylıq həbs qətimkan tədbiri seçilməsi barədə qərarı qüvvədə saxlanılıb.
Vəkilin sözlərinə görə, poçtda ləngimə olduğundan həmin iş üzrə həbs edilmiş İlkin İsgəndərovun barəsində həbsdən apellyasiya şikayəti üzrə məhkəmə baxışı hələ təyin edilməyib.
Yanvarın 18-də Şirvan Apellyasiya Məhkəməsi prokurorluğun məktubunu əsas gətirərək şikayəti qəbul etməmişdi. Prokurorluğun məktubunda qeyd olunub ki, vəkil Elçin Sadıqov eyni vaxtda 4 müttəhimi müdafiə edir və guya bu, istintaq altında olanların maraqlarına ziddir.
2016-ci il dekabrın 22-də Biləsuvar rayonunda 11 qəsəbəyə elektrik enerjisinin verilməsinin kəsilməsilə əlaqədar sakinlər etiraz aksiyası keçiriblər.
Aksiya polis tərəfindən dağıdılıb. Beş iştirakçı polisə müqavimət göstərmək, iğtişaşlar törətmək, başqasının əmlakını məhv etmək ittihamları ilə həbs olunub.
Cəlal Quliyev, Zaur Fehruzlu, Gülağa Alməmmədov, Ülvi Quliyev və İlkin İsgəndərov həbs olunub. Onlar Cəbrayıl köçkünləridir. Elçin Sadıqov onlardan dördünü (Alməmmədovdan başqa) müdafiə edir.-03B-
Cəmiyyət
-
Azərbaycanlı tarixçi və ictimai xadim Dr. Cəmil Həsənli jurnalistləri hədəf alan son həbs dalğasını kəskin şəkildə tənqid edərək, vəziyyəti Sovet hakimiyyəti dövründə 1937-ci ildəki kütləvi repressiyalarla müqayisə edib. Həsənli cümə axşamı çıxışında bildirib ki, Bakıda fəaliyyət göstərən "Meydan TV" əməkdaşları kollektiv şəkildə həbs olunub, bu isə ölkədə mətbuat azadlığı sahəsində ciddi bir geriləmə kimi qiymətləndirilir.
-
Dekabrın 8-də Bakıda və Abşeron yarımadasında hava tutqun olacaq. Bəzi yerlərdə qısamüddətli yağış gözlənilir. Yarımadanın bəzi yerlərində yağıntı leysan xarakterli olacaq.
-
Ağır eşitmə qüsuru (dördüncü dərəcəli) olan 46 yaşlı Elşən Həsənov üçün dövlət eşitmə cihazlarının əldə edilməsi sadə proses olduğu halda üç səhiyyə müəssisəsinin cəlbiylə bürokratik kabusa çevrilib. Nəticədə Həsənov əvvəllər pulsuz olan xidmətə görə ildə bir neçə dəfə 60 manata yaxın pul (35 ABŞ dolları) ödəmək məcburiyyətindədir - Həsənovun sözlərinə görə, qiyməti onun əlillik pensiyasına uyğun gəlmir.
-
Cümə günü Azərbaycan Respublikası Mənzil İnşaatı Dövlət Agentliyi (MİDA) Sumqayıt və Lənkəran şəhərlərində 544 güzəştli mənzili bir neçə saniyə ərzində satdı. Satışlar MİDA-nın veb saytında mənzillərin şəkillərini görüb, real vaxtda onlayn təsdiq əldə etməyə nail olan ilk müraciətçilərə həyata keçirildi.
Rəy yaz