Çeçeni Rusiyaya deportasiya edilmək təhlükəsi gözləyir?
Bakı/16.02.18/Turan: Beynəlxalq terrorizm şəbəkəsi ilə əlaqədə ittiham olunaraq Azərbaycanda 13 il həbs cəzası alan Çeçenistan vətəndaşı Seyid Hüseyn Takayevin taleyi qaranlıq qalır.
Onun qohumları Rusiya KİV-ə bildiriblər ki, Takayev cəzasını çəkib və fevralın əvvəlində deportasiya həbsxanasına köçürülüb. Takayev dörd uşaq atasıdır, rəsmi Bakı ona siyasi qaçqın statusu verib, sonra bu status ləğv edilib.
BMT Qaçqınlar üzrə Ali Komissarlığının Azərbaycan nümayəndəliyi Takayevin qaçqın statusunun olub-olmaması və onun ləğvi barədə Turan-ın sualını cavablandırmaqdan imtina edib.
"Bizim ofislər konkret problemləri müzakirə etmək istəyənlər üçün açıqdır. Ancaq biz təhlükəsizlik və konfidensiallıq səbəbindən belə əlaqələri açıqlamırıq", - cavabda bildirilir.
Azərbaycan Miqrasiya Xidməti Takayevin taleyi, Rusiyadan gələn və qaçqın statusu alan çeçenlərin sayı barədə Turan-ın sorğusuna cavab olaraq aşağıdakıları bildirib:
"Seyid Hüseyn Takayevin barəsində məlumatlar əməliyyat marağı kəsb etdiyi üçün cavablandırılması imkan xaricindədir.
Hazırda Azərbaycan Dövlət Miqrasiya Xidmətində əcnəbilərin statistikası milli mənsubiyyəti üzrə deyil, mənsub olduğu ölkənin vətəndaşlığına uyğun aparılır".
Qeyd edək ki, Azərbaycan qanunlarına görə, əcnəbi cinayət cəzası başa çatdıqdan sonra əgər qaçqın statusu almayıbsa vətəndaşı olduğu ölkəyə deportasiya edilir.
1994-1996-cı illərdə çeçen müharibəsi zamanı Azərbaycana minlərlə çeçən gəlib. Ancaq son on ildə onların bəzisi Rusiya hakimiyyətinə verilib, 20-yə yaxın adam müəmmalı şəkildə yoxa çıxıb. Sonradan Çeçenistanda onların meyitləri tapılıb.
Odur ki, çeçenlərin çoxu Avropa ölkələrinə gedib.
2005-ci ilin iyulunda Azərbaycan MTN Azərbaycanda terror aktı planlaşdıran bir qrup əcnəbi vətəndaşın məhkəməsinin başa çatdığını bildirib.
İstintaqın məlumatına görə, qrup "Əl-Qaidə" beynəlxalq terror təşkilatının Qafqaz üzrə koordinatoru Əbu Hafisin göstərişlərini yerinə yetirib.
Ağır Cinayətlər Məhkəməsinin 13 iyun 2005-ci il tarixli hökmü ilə Takayev və digərləri 13 il azadlıqdan məhrum ediliblər.06D-
Cəmiyyət
-
Əməliyyat tədbirləri zamanı Daxili İşlər Nazirliyi Baş Narkotiklərlə Mübarizə İdarəsinin əməkdaşları Neftçala rayon sakini Sadiq Ələkbərovu saxlayıblar.
-
“Gəncə Şəhər Birləşmiş Xəstəxanası” publik hüquqi şəxsin vəzifəli şəxsləri Vidadi Hüseynov, Məhəbbət Abdullayev və digərlərinə Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə cinayət işi başlanıb.
-
Azərbaycanda mobilliyin transformasiyası proqramı çərçivəsində yeni marşrut şəbəkəsinin tətbiqinə başlanılıb.
-
Bakcellin Baş İcraçı Direktoru, Klaus Mueller Azərbaycanın ilk qadınlar arasında Avropa çempionu şahmatçısı Ülviyyə Fətəliyevanı möhtəşəm qələbə münasibətilə təbrik etdi.
Rəy yaz