Sentyabrın 24-də günün ikinci yarısında güc qurumlarından biri özəlləşdirmə çekləri alverçilərinə qarşı əməliyyat həyata keçirib. Şahidlərin sözlərinə görə, güc qurumunun bir qrup əməkdaşı 10-dan çox çek və valyuta alverçisini saxlayıb və maşınla aparıb.
Saxlanılanlardan biri anonim qalmaq şərtilə Turan-ın müxbirinə bildirib ki, onları Milli Təhlükəsizlik Nazirliyinin binasına aparıblar və dindiriblər. “Bizdən çekləri nə üçün və kimin üçün alıb-satdığımızı, bunu bizə kimin tapşırdığını soruşublar. Daha sonra hər kəsdən bir daha bununla məşğul olmayacağımıza dair iltizam alıblar”, deyə mənbə bildirib.
Lakin MTN-in ictimaiyyətlə əlaqələr mərkəzindən Turan agentliyinə bildiriblər ki, bu idarə çek alverçilərinə qarşı əməliyyat həyata keçirməyib.
DİN-də də belə bir tədbir həyata keçirildiyini təsdiq etməyiblər.
Qeyd edək ki, özəlləşdirmə çekləri 90-cı illərin ortalarında dövriyyəyə buraxılıb və dövlət əmlakının özəlləşdirilməsi zamanı onlardan istifadə olunub. 2010-cu ildə onlar dövriyyədən çıxarıldı və faktiki olaraq dəyərini itirdi. -08В-
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz