S.Sobyanin: Moskva Azərbaycandan meyvə-tərəvəz və ət alacaq

Cümə axşamı Azərbaycanın baş naziri Yaqub Eyyubov Moskva meri Sergey Sobyaninin rəhbərlik etdiyi nümayəndə heyətini qəbul edib.

Görüşdə Eyyubov qeyd edib ki, Rusiya nümayəndə heyətinin səfəri əməkdaşlığın genişlənməsinə və iki ölkə arasında dostluq münasibətlərinin möhkəmlənməsinə böyük töhfə verəcək.

Onun sözlərinə görə, Azərbaycan prezidenti bununla bağlı konkret tapşırıqlar verib və danışıqlar zamanı bu məsələlər müzakirə olunacaq.

Rusiyanın Azərbaycanın əsas tərəfdaşlarından olduğunu qeyd edən Eyyubov bildirib ki, Rusiyanın bir sıra subyektləri ilə sıx əlaqələr qurulub və Moskva bu sırada birinci yeri tutur.

Öz növbəsində, Sobyanin qeyd edib ki, Azərbaycan və Rusiya arasında çoxəsrlik əlaqələrin mövcud olduğunu qeyd edib. Cari ildə ölkələr arasında ticarət dövriyyəsi 30% artıb.

O qeyd edib ki, imzalanmış sənədlər Azərbaycandan Moskvaya kənd təsərrüfatı məhsullarının ixracının sürətləndirilməsinə şərait yaradacaq. Bu sahədə əməkdaşlıq üçün geniş imkanlar mövcuddur.

Mer həmçinin qeyd edib ki, Moskva turizm, mədəniyyət, şəhərlərin abadlaşdırılması və s. sahələrdə Azərbaycanla əməkdaşlığı genişləndirmək niyyətindədir.

Sobyanin qeyd edib ki, hazırda Azərbaycanda Rusiyaya meyvə və tərəvəzlə yanaşı ət məhsullarının da ixracı ilə bağlı danışıqlar aparılır. O, imzalanmış sənədlərin ikitərəfli əlaqələrin inkişafına təkan verəcəyindən əmin olduğunu bildirib.

Görüşdə Yaqub Eyyubov və Sergey Sobyanin Azərbaycan və Moskva hökumətləri arasında əməkdaşlıq haqqında Qarşılıqlı Anlaşma Memorandumu imzalayıblar.

Hər iki ölkənin biznesmenləri arasında Azərbaycandan məhsul ixracı haqqında sazişlər imzalanıb. -02D-