Cəlil İmanov: �Məni qanunsiz olaraq azad ediblər�

“Məni Masallı rayonunun İşkədərə kənd orta məktəbindən bu məktəbə guya qanunsuz yerdəyişmə ilə gəldiyimə görə işdən azad ediblər”, -kənd məktəbinin müəllimi Cəlil İmanov bildirib.

O deyib ki, 2012-ci ildə Təhsil Nazirliyində müsabiqə imtahanı verdikdən sonra Masallı rayon Lürən kənd məktəbinə göndərilib, amma fiziki sağlamlığı ilə bağlı yaşadığı İşkədərə kənd məktəbinə gəlmək barədə Masallı rayon təhsil şöbəsinə müraciət edib: “Təhsil şöbəsində müraciətimə baxdılar və məhz şöbənin razılığı ilə İşkədərə məktəbinə tarix müəllimi olaraq göndərildim, indi isə bu yerdəyişməni qanunsuz adlandıraraq məni işdən azad ediblər”.

C.İmanov deyib ki, qanunsuz yerdəyişmə ititihamı əsassızdır və bu əsas səbəb deyil, əsas səbəb siyasi baxışları və Azərbaycan Xalq Cəbhəsi Partiyasının üzvü olmasıdır: “Əsas səbəb budur, görünür, hakimiyyət 2018-ci il seçkiləri öncəsi “təmizliklər”ə başlayıb”.   

Masallı rayon təhsil şöbəsindən də C.İmanovun qanunsuz yerdəyişməyə görə məktəbdən azad edildiyini təsdiqləyiblər, onu həm də intizamı pozmaq, sinif rəhbəri kimi funksiyalarını yerinə yetirməmək kimi iradlar bildiriblər: “Əmri alanda hansı səbəblərə görə işdən azad edildiyi bilinəcək”, Rayon təhsil şöbəsindən bildiriblər.  --0--