Bakı/25.04.17/Turan: Aprelin 25-də İctimai Milli Televiziya və Radio Yayım Şurasında (MTRŞ) İctimai Teleradionun baş direktoru vəzifəsinə seçkilərin nəticəsi bəlli olub.
Seçkiyə qatılan 5 namizəd arasından hazırkı direktor Cəmil Quliyev yenidən bu posta seçilib.
Onun rəqibləri Tahir Paşazadə, İltifat Soltanov, Tahir Məmmədov və Afaq Ağayeva olublar.
Cəmil Quliyev birinci dəfə bu posta 2013-cü il aprelin 23-də seçilmişdi. Həmin seçkilərdən narazı qalanlar da olmuşdu.
C.Quliyevin rəqiblərindən biri Reportyorların Azadlıq və Təhlükəsizlik İnstitutunun rəhbəri Emin Hüseynov baş direktor seçkisinin nəticələrinin ləğv edilməsi üçün məhkəməyə müraciət etmişdi. Ancaq yerli məhkəmələr onun şikayətini təmin etməmişdilər.
Hazırda sözügedən iş Avropa Məhkəməsinin icraatındadır.
Cəmil Quliyev 1963-cü ildə Bakıda anadan olub. Ümumittifaq Kinematoqrafiya İnstitutunda (Moskva) kinorejissorluq ixtisası üzrə təhsil alıb.
Azərbaycan Dövlət Film Fonduna, “Mədəniyyət” kanalına rəhbərlik edib.
İctimai Televiziya 2005-ci ilin avqustunda yaradılıb. Azərbaycan müxalifəti hesab edir ki, bu televiziya bir qayda olaraq hakimiyyətin təbliğatı ilə məşğuldur. 05D06--
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz