![Cənubi Qafqaz ölkələrinin KİV problemləri müzakirə edilib](https://turan.az/resized/media/2012/main/071000005078-750-500-resize.webp)
Cənubi Qafqaz ölkələrinin KİV problemləri müzakirə edilib
Ötən şənbə Gürcüstanın paytaxtında “Cənubi Qafqaz ölkələrində KİV-in müstəqilliyi problemləri” mövzusunda növbəti vətəndaş dinləmələri keçirilib.
Teymur Maqsudov (Azərbaycan), Yuri Manvelyan (Ermənistan), Nino Capiaşvili (Gürcüstan) çıxış ediblər.
Gürcüstan nümayəndəsi ölkədə KİV-in müstəqilliyi problemlərindən danışıb. “Tsxeli şokoladi” jurnalının redaktorunun sözlərinə görə, oktyabrda keçiriləcək parlament seçkiləri Gürcüstan KİV-lərinin güclü və zəif tərəflərinin, azadlıq səviyyəsinin üzə çıxarılması üçün “ekstremal əlverişli” şərait olacaq.
Qafqaz İnformasiya Resursları Mərkəzinin (CRRC) məlumatına görə, əhalinin 88%-i informasiyanı TV-dən, 2%-i çap nəşrlərindən, 1%-i radiodan və cəmi 5%-i İnternet-resurslardan alır, deyə Capiaşvili bildirib.
Azərbaycanda KİV-in müstəqilliyi sahəsində problemlər barədə “Exo” qəzetinin jurnalisti Teymur Maqsudov danışıb. Onun sözlərinə görə, Azərbaycan mediasında sözün əsl mənasında söz azadlığına rast gəlmək çətin məsələdir. Səbəblər çoxdur: bütün digər sahələrdə olduğu kimi, burada da inhisar var. İkincisi, nəşrlərdən heç birini tam mənada müstəqil adlandırmaq olmaz.
Son vaxtlar xüsusi xidmət orqanlarının İnternetə nəzarəti ilə bağlı çox söz açılır. Artıq 5 ildir ki, MTN-in İnternetə tam nəzarət etməsi zərurəti müzakirə olunur, deyə Maqsudov bildirib.
Ermənistanda KİV problemləri barədə epress.am İnternet-nəşrinin redaktoru Yuri Manvelyan danışıb. Jurnalistikaya və jurnalistlərə təzyiq ümumi sxem üzrə həyata keçirilir. Bu sxem “evdə olan söhbət bayıra çıxmasın”, “Ermənistanın reytinqini azaltmayın”, “faktlara göz yumun, onları düzəldin, çünki düşmən bundan istifadə edə bilər”, “düşmən qonşumuz olduğu bir şəraitdə jurnalistikaya hüququmuz yoxdur”, “müstəqil media ideyası kənardan diktə olunur”, tezislərinə əsaslanır.
“Bizim mentalitet azlıqların problemlərini, ailədə zorakılığı, insanların bərabərhüquqluluğunu, hakimiyyətin demistifikasiyasını, tarix və mədəniyyətin demifologizasiyasını, müharibə haqqında həqiqətləri səsləndirməyə uyğunlaşmayıb – bu problemlər ümumiyyətlə yoxdur, onlar uydurmadır”, deyə o bildirib.
Tədbir Milli Demokratiyaya Yardım Fondunun (NED) dəstəyi ilə həyata keçirilən “İnsan Hüquqları üzrə rəmzi Qafqaz Məhkəməsi və Qafqaz ölkələrində demokratiya ilə bağlı vətəndaş dinləmələri” proqramı çərçivəsində keçirilib. Proqramın müəllifi və direktoru professor Niyazi Mehdidir (Azərbaycan). Təşkilatçılar Vətəndaş Cəmiyyəti naminə Qadınlar Alyansı (Azərbaycan), Qafqaz Sülhməramlı təşəbbüslər Mərkəzi (Ermənistan), Qafqaz Vətəndaş Dinləmələri Mərkəzidir (Gürcüstan). -16D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz