Ceyrançöl ərazisinin minalardan təmizlənməsi layihəsinin birinci mərhələsi başa çatıb

İyulun 8-də Four Seasons otelində Ceyrançöl təmizləmə layihəsinin birinci mərhələsinin tamamlanması və ikinci mərhələnin açılış mərasimi keçiriləcək.

ANAMA-dan Turan-a verilən məlumata görə,  Azərbaycan-Gürcüstan sərhədi boyunca ölkənin şimal-qərb hissəsində yerləşən Ceyrançöl ərazisindən  1955-1991-ci illərdə keçmiş sovet hərbi ordusunun sınaq və təlim ərazisi kimi intensiv surətdə istifadə edilib.

Ərazidə olan mina və partlamamış hərbi sursatlar yerli əhali üçün ciddi və daim artan təhlükə yaradır.

Layihənin birinci mərhələsi çərçivəsində 28 ay ərzində 19 kv.km ərazi tam təmizlənmiş və 14,578 PHS tapılaraq zərərsizləşdirilib.

Layihənin ikinci mərhələsinə 2014-cü ilin iyul ayından start verilməsi və 24 ay müddətində 23.584.545 kv.m əhatə edən sahənin təmizlənməsi nəzərdə tutulur.

Tədbirdə baş nazirinin müavini cənab Abid Şərifov və NATO Dəstək Agentliyinin (NSPA) rəhbəri cənab Mayk Layden, eləcə də Azərbaycanda akkreditə olunmuş diplomatik nümayəndəliklər, səfirliklər və NATO/NSPA nümayəndələri iştirak edəcəklər.-16D-