Ceyranlı iki ay müddətinə həbs edilib
Bakı/23.05.17/Turan: Tbilisi şəhər məhkəməsi mayın 23-də "Lanset" klinikasının həmtəsisçisi Fərman Ceyranlı barəsində iki ay həbs qətimkan tədbiri seçib.
Əslən azərbaycanlı olan məşhur cərrah mayın 22-də böyük ölçüdə fırıldaqçılıqda və insanların həyat və sağlamlığı üçün təhlükə yaradan məlumatların gizlədilməsində şübhəli bilinərək saxlanılıb.
İş 2016-cı ilin əvvəllərində qara ciyər köçürülməsi əməliyyatından sonra dünyasını dəyişən xəstələrdən birinin qohumunun şikayəti əsasında açılıb.
Ceyranlı Gürcüstan sertifikatı olmayan cərrah-transplantoloqun xidmətlərindən istifadə etməkdə və xəstələrə və donora və onların ailə üzvlərinə risklər haqqında məlumat verməməkdə ittiham olunur.
Maraqlıdır ki, Ceyranlı xəstənin ölümündən bir il sonra həbs olunub. Həmin vaxt xəstənin ölüm səbəblərinin operativ araşdırılması həkimlərin və klinikanın təqsirini üzə çıxarmamışdı. Həm də Ceyranlı klinikanın direktoru deyil.
Haqqin.az saytı mayın 4-də Gürcüstanda mühacir azərbaycanlı müxalifətçilər haqqında "Tbilisidə anti-Azərbaycan fəaliyyəti: gizli görüşlər, pullar, təlimatlar" sərlöhəli məqalə dərc edib. Məqalədə Ceyranı bu fəaliyyətin əsas iştirakçılarından biri kimi təqdim edilib.
Son vaxtlar Azərbaycan hakimiyyəti Gürcüstan hakimiyyətindən israrla Azərbaycandan hakimiyyətin təqiblərindən qaçan müxalifətçilərin siyasi fəaliyyətinin qarşısını almağı tələb edir.
Fərman Ceyranlı haqqında ətraflı məlumatı aşağıdakı linkdən əldə edə bilərsiniz:
http://www.turan.az/ext/news/2017/5/free/Social/ru/62538.htm
-
- Söz istəyirəm
- 24 May 2017 12:52
-
- İqtisadiyyat
- 24 May 2017 13:15
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz