12 may 2015-ci il tarixində məhbusların vaxtından əvvəl şərti azadlığa buraxılması üzrə komissiya ciddi rejimli cəzaçəkmə müəssisəsində saxlanılmağa məhkum edilənlər üçün nəzərdə tutulmuş 11 saylı cəzaçəkmə müəssisəsinə baş çəkib. Məhbusların özlərinin də iştirakı ilə Komissiya 30 işə baxıb, onlardan 26-sını (87%) şərti olaraq azadlığa buraxılmaq üçün tövsiyə edib, bu barədə Turan-a Azərbaycan Hüquq Müdafiə Mərkəzindən (AHM) bildiriblər.
İclasda iştirak edən AHM-in Şura üzvü Zəliha Tahirovanın sözlərinə görə, “şərti azadlığa buraxılma məsələsinə baxılarkən komissiyada məhbusun şəxsiyyəti, ailə vəziyyəti, əlilliyinin mövcudluğu diqqətə alınır. Məsələn, bu dəfə digərləri ilə yanaşı, Qarabağ veteranı, əlil şəxsin azad edilməsini tövsiyə etmişik. Ümid edirəm ki, o, tezliklə ailəsinə qovuşacaq”.
Qeyd edək ki, Ədliyyə Nazirliyinin müxtəlif idarələrinin məmurlarından və vətəndaş cəmiyyəti fəallarından ibarət Komissiya 2013-cü ilin aprel ayında ədliyyə naziri Fikrət Məmmədovun təşəbbüsü ilə yaradılıb. 2014-cü ildən etibarən onun işində AHM ekspertləri də iştirak edir. -0-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz